2024 онд гадаадын жуулчдын тоог нэг саяд хүргэхээр төлөвлөж байна

    “Аялал жуулчлалын салбарыг сэргээх стратеги төлөвлөгөө” боловсруулах ажлын хэсгийн ээлжит хуралд Байгаль орчин, аялал жуулчлалын сайд Н.Уртнасан оролцлоо. Ажлын хэсгийн хурлаар “Аялал жуулчлалыг сэргээх стратеги төлөвлөгөө”-г холбогдох хууль, тогтоомжийн хүрээнд нийцүүлэн 2021 оны 12 дугаар сардаа багтаан боловсруулахад дэмжлэг үзүүлэн, хамтран ажиллах асуудлыг хэлэлцлээ.

 

Сайд Н.Уртнасан, 2021 онд гадаадын жуулчдын урсгалыг шат дараатай нээж, 2022-2023 онд жуулчдын тоон өсөлтийг эрчимтэй нэмэгдүүлэн 2019 оны хэмжээнд хүргэх, улмаар 2024 онд гадаадын жуулчдын тоог нэг саяд хүргэж, аялал жуулчлалын салбараас олох орлогоос дотоодын нийт бүтээгдэхүүнд эзлэх хувийг нэмэгдүүлэхээр төлөвлөж байгаа.

Энэхүү ажлыг амжилттай хэрэгжүүлэхийн тулд тооцоо судалгаанд үндэслэсэн тодорхой төлөвлөгөө шаардлагатай. Мөн стратеги төлөвлөгөө боловсруулах удирдан чиглүүлэх ажлын хэсэгт зам тээвэр, иргэний нисэх, гадаад харилцаа, соёл урлаг, эдийн засаг, маркетинг, зочлох үйлчилгээ, хүний нөөцийн асуудлуудад хамаарах төрийн болон төрийн бус байгууллагуудын удирдлагуудаас оруулсан нь шийдвэр гаргагчид 2022-2023 онд аялал жуулчлалын салбарыг хамгийн хурдан хугацаанд сэргээх зайлшгүй шаардлагатай байгаа тухай нэгдсэн ойлголтод хүрч, үүсээд буй нөхцөл байдалд үнэлэлт, дүгнэлт өгөхөд чухал нөлөөтэй байх болно гэлээ.

Байгаль орчин аялал жуулчлалын яам, Монголын Үндэсний худалдаа аж үйлдвэрийн танхим, Монголын аялал жуулчлалын холбоо хамтран “Шинэ хэвийн байдал-Аялал жуулчлалыг сэргээх стратеги” уриатай “TOURISM FORUM MONGOLIA-2021” арга хэмжээг салбар дундын болон төр, хувийн хэвшлийн нэгдмэл зорилго, харилцан ойлголцол, хамтын ажиллагааг нэмэгдүүлэх, Дэлхийн аялал жуулчлалын чиг хандлагад нийцүүлэн аялал жуулчлалыг сэргээх гарц шийдлийг тодорхойлох зорилгын дор амжилттай зохион байгуулсан. Форумаас аялал жуулчлалыг шинэ нөхцөлд хэрхэн хөгжүүлэх, зөв зохион байгуулах талаар хэлэлцээд дээрх ажлын хэсгийг байгуулсан юм.

Бусдад түгээх
  • gplus

Сэтгэгдэл үлдээх

Уншигчдын бичсэн сэтгэгдэлд olloo.mn хариуцлага хүлээхгүй болно.
ХХЗХ-ны журмын дагуу зvй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зvйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй. Сэтгэгдэлтэй холбоотой санал гомдолыг 772-01100 утсаар хүлээн авна.

Сэтгэгдэлээ бичихХураах

тэмдэгтэнд багтааж бичнэ үү.
  • kkkk 2021-12-09 03:00:17
    БАС мөнгөө үрэх ТОЛГОЙгоо сэргээх Казино . шоу байхгүй сая хүн ирэхүү, КАЗИНО БАРЬВАЛ ӨВӨЛ ЗУНГҮЙ ЦҮНХТЭЙ МӨНГӨТЭЙ ХЯТАД, орос солонгос ирнэ
  • Лагаа 2021-12-09 02:36:18
    Дарга чинь 400 саяд хvргэнэ гэсэн. Юун жижигхэн тоо яриад байгаа юм бэ
  • DR. PRADHAN 2021-12-08 21:40:25
    Хэрэв та одоо бидэнтэй холбоо барина уу? DR.PRADHAN.UROLOGIST.LT.COL@GMAIL.COM AMOUNT: $ 780,000.00
  • zochin 2021-12-08 09:36:10
    00 -oo bolovson bolgoochee, zam daguu bolovson 00 uud barina gej yariachee
  • Ажигласан уу 2021-12-08 05:53:07
    Монгол даргын ажил, дандаа ирээдуй цагт бдг