Өнөөдөр УИХ-ын ээлжит чуулганаар ирэх оны төсвийн төслийг хэлэлцэнэ. УИХ-ын намрын чуулган эхлэхтэй зэрэгцэн яригддаг төсвийн төслийг жилийн жилд хуулинд заасан хугацаатай нь уралдан яаран сандран хэлэлцдэг. Энэ жил ч мөн ялгаагүй төсөв батлах асуудал хойшилсоор өнөөдрийн чуулганаар хэлэлцэхээр тогтсон билээ. Улс орны эдийн засаг нэлээд хүнд байгаа учир ирэх оны төсвийг сайтар судалж, хөрсөн дээр буусан төсөв батлах хэрэгтэй байгааг эдийн засагчид хэлж, ард иргэд хүлээж байна. Эс тэгвээс хямралд орсон эдийн засаг улам бүр хямралд орж улс орны амьдрал хэцүүдэж мэднэ.
Гишүүд жилийн жилд тооцоо судалгаа муу хийж, төсвөө данхайлгаж баталснаас болж жил бүр төсөвт тодотгол хийдэг болсон. Ирэх жил ч мөн ялгаагүй ийм зүйл болохгүй гэх баталгаа алга. Орлого нь зарлагаасаа хэт зөрүүтэй, улсын гадаад өрийн хэмжээ ДНБ-ний 70 хувьтай дүйж байгаагийн дээр Оюутолгой, Таван толгойн асуудал ч мөн төрийн эрх барьж буй түшээдийн санаа оноогоо уралдуулж хэлэлцэх асуудал мөн. Гэвч намын бүлгүүд тус бүрдээ хэлэлцэж байж төсөв хэлэлцэнэ хэмээн нэлээд хугацаа алдсан.
Ингээд өнгөрсөн долоо хоногийн Баасан гарагт хэлэлцэх байсан ч УИХ дахь МАН-ын бүлгээс төсвийн хуулийг хэлэлцэхээс татгалзсан юм. МАН-ын бүлгийн гишүүдийн зүгээс намын бүлгийн хуралдааны үеэр ирэх оны төсөвт Засгийн газрын бүтэц бүрэлдэхүүнийг хуучны 16 яамтай үеийнхээр төсөвлөсөн гэх шалтгаанаар төслийг буцааж байсан. Тиймээс дахиж хойшлуулах боломжгүйгээр өнөөдөр ирэх 2015 оны төсвийн төслийг хэлэлцэнэ. Ийн яаран баталсан төсөв сайн болохгүй гэдгийг хаа хаанаа мэдэж байгаа. Ямартай ч өнөөдөр төсвийн төслийг УИХ-ын нэгдсэн чуулганаар хэлэлцэнэ.
Гишүүд жилийн жилд тооцоо судалгаа муу хийж, төсвөө данхайлгаж баталснаас болж жил бүр төсөвт тодотгол хийдэг болсон. Ирэх жил ч мөн ялгаагүй ийм зүйл болохгүй гэх баталгаа алга. Орлого нь зарлагаасаа хэт зөрүүтэй, улсын гадаад өрийн хэмжээ ДНБ-ний 70 хувьтай дүйж байгаагийн дээр Оюутолгой, Таван толгойн асуудал ч мөн төрийн эрх барьж буй түшээдийн санаа оноогоо уралдуулж хэлэлцэх асуудал мөн. Гэвч намын бүлгүүд тус бүрдээ хэлэлцэж байж төсөв хэлэлцэнэ хэмээн нэлээд хугацаа алдсан.
Ингээд өнгөрсөн долоо хоногийн Баасан гарагт хэлэлцэх байсан ч УИХ дахь МАН-ын бүлгээс төсвийн хуулийг хэлэлцэхээс татгалзсан юм. МАН-ын бүлгийн гишүүдийн зүгээс намын бүлгийн хуралдааны үеэр ирэх оны төсөвт Засгийн газрын бүтэц бүрэлдэхүүнийг хуучны 16 яамтай үеийнхээр төсөвлөсөн гэх шалтгаанаар төслийг буцааж байсан. Тиймээс дахиж хойшлуулах боломжгүйгээр өнөөдөр ирэх 2015 оны төсвийн төслийг хэлэлцэнэ. Ийн яаран баталсан төсөв сайн болохгүй гэдгийг хаа хаанаа мэдэж байгаа. Ямартай ч өнөөдөр төсвийн төслийг УИХ-ын нэгдсэн чуулганаар хэлэлцэнэ.
Б.Сансартуяа
Olloo.mn
Olloo.mn