''Союз Восток''-ийн ТЭЗҮ-ийг эцэслэнэ

ОХУ-аас Хятад руу хий дамжуулах хоолойг Монголын нутгаар дайруулах тухай асуудал 20 гаруй жил дуншсан. Тэгвэл өнөөдөр маршрут нь тодорхой болж техник, эдийн засгийн үзүүлэлт нь бэлэн болсон. Баригдаж эхлэх хугацаагаа ч анх удаа зарлаад буй.  Төслийн эцсийн техник, эдийн засгийн үзүүлэлт, инженер техникийн ажилтнууд хийн хоолойн нарийвчилсан зураг төсөлд хоёр жил гаруй үргэлжилсний эцэст  хийн хоолойн барилгын ажил эхлэх огноог 2024 он хэмээн товлоод буй. Барилга угсралтын ажил дахин 4-5 жил үргэлжилж магадгүй. Өөрөөр хэлбэл, 2028-2030 оноос нааш ашиглалтад орохгүй гэдгийг өнгөрсөн жил манай улсын албаныхан мэдэгдсэн.

Тэгвэл хамгийн сүүлд буюу өнгөрсөн баасан гарагт ОХУ-аас БНХАУ руу Монгол Улсын нутаг дэвсгэрээр дамжуулан тавих байгалийн хийн хоолойн төслийн хамтын ажиллагааны дараагийн шатны асуудлаар Шадар сайд С.Амарсайхан "Газпром” НХН-ийн Удирдах зөвлөлийн орлогч дарга В.А.Маркеловтой  ярилцжээ. Улмаар энэ долоо  хоногт  Шадар сайд С.Амарсайхан, "Газпром” НХН-ийн Удирдах зөвлөлийн дарга А.Б.Миллер нар цахим уулзалт хийж, "Сибирийн хүч-2" хийн хоолойн төслийн үргэлжлэл болж тавигдах “Союз Восток” төслийн ТЭЗҮ-ийг эцэслэсэн тухай протоколд гарын үсэг зурахаар хэлэлцэн тохирсон байна.

Өнгөрсөн арванхоёрдугаар сарын 15-ны өдөр хоёр талд хүлээлгэн өгсөн "Сибирийн хүч-2" хийн хоолойн төслийн дараагийн шатны төлөвлөлтөд шилжих зураг төсөл, хайгуулын судалгааны ажлыг гүйцэтгэх тэмдэглэлийг эцэслэн гарын үсэг зурах ажлыг мөн зохион байгуулах талаар хоёр тал хэлэлцлээ. "Союз восток” байгалийн хийн хоолойн төслийн хэтийн төлөвийн талаар ОХУ-ын хэвлэл мэдээллийн хэрэгслүүд манай улсад ирж мэдээлэл бэлтгэх бөгөөд  энэ үеэр "Газпром” НХН-ийн төлөөллүүд хүрэлцэж ирэх талаар хойд хөршөөс мэдэгджээ.

Эх сурвалж: “Зууны мэдээ” сонин
С.Уянга
 

Бусдад түгээх
  • gplus

Сэтгэгдэл үлдээх

Уншигчдын бичсэн сэтгэгдэлд olloo.mn хариуцлага хүлээхгүй болно.
ХХЗХ-ны журмын дагуу зvй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зvйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй. Сэтгэгдэлтэй холбоотой санал гомдолыг 772-01100 утсаар хүлээн авна.

Сэтгэгдэлээ бичихХураах

тэмдэгтэнд багтааж бичнэ үү.