Ким Чен Ун COVID-19-ийн дэгдэлтийг ''агуу цочрол'' гэв

БНАСАУ-ын удирдагч Ким Чен Ун тус улсад коронавирусын дэгдэлтийг "агуу цочрол" гэж нэрлэв. Солонгосын төв мэдээллийн агентлагийн мэдээлснээр COVID-19-ийн улмаас 21 хүн нас барж, нийт нас барсан хүний тоо 27-д хүрсэн байна. Бямба гарагийн өглөө БНАСАУ-ын удирдагч Солонгосын Хөдөлмөрийн намын төв хорооны Улс төрийн товчооны хурлыг даргалж, коронавирустай тэмцэх арга хэмжээний талаар хэлэлцэв. "Бүгд найрамдах улс байгуулагдсанаас хойшх энэ тархалтыг том цочрол гэж нэрлэж болно" гэж БНАСАУ-ын удирдагч хэллээ. Мөн хэрэв бид тахлын эсрэг тэмцлийг чангатгаж, хорио цээрийн дэглэмийг хатуу баримталж чадвал энэ хямралыг даван туулах боломжтой гэж нэмж хэлэв.

Тархалт нь тусгаарласан бүс нутгуудад тохиолодоод байгаа юм. Өндөр хөгжилтэй орнуудын халдварын эсрэг арга хэмжээний туршлага, үр дүнг судлах нь чухал. Хятадын нам, ард түмний үйл ажиллагааны арвин туршлага, үр дүнг судлаарай гэж Ким Чен Ун Улс төрийн товчооны гишүүдэд хандан хэлэв. Эрх баригчид тавдугаар сарын 13-нд тус улсад халуурсан шинж тэмдэгтэй 174 мянган хүн илэрсэн тухай мэдээлсэн байна. Үүний зэрэгцээ өнгөрсөн сарын сүүлчээс хойш ийм өвчтөнүүдийн тоо 524 мянга гаруй болжээ. Үүнээс 280 мянга гаруй хүн эмчлүүлж байна. Нийт 27 хүн нас барсны нэг нь омикронтой болохыг тогтоожээ.

“Зууны мэдээ” сонин
З.Батцэцэг
 

Бусдад түгээх
  • gplus

Сэтгэгдэл үлдээх

Уншигчдын бичсэн сэтгэгдэлд olloo.mn хариуцлага хүлээхгүй болно.
ХХЗХ-ны журмын дагуу зvй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зvйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй. Сэтгэгдэлтэй холбоотой санал гомдолыг 772-01100 утсаар хүлээн авна.

Сэтгэгдэлээ бичихХураах

тэмдэгтэнд багтааж бичнэ үү.