Хятадын мэдээллийн технологийн сайдыг шалгаж эхэлжээ

Хятадын төрийн тэргүүлэх албан тушаалтан болох мэдээллийн технологи, аж үйлдвэрийн сайд /MIIT/ Сяо Ячиныг хууль, сахилга батыг зөрчсөн хэргээр шалгаж байна гэж тус улсын төрийн мэдээллийн агентлаг пүрэв гарагт мэдээлэв. Яг ямар хэргээр шалгаж байгаа талаар дэлгэрэнгүй мэдээлэл өгөөгүй байна.

Хятадын Коммунист намын 20 дугаар их хурал энэ оны сүүлээр болно. Тус хуралд оролцох албан тушаалтнуудын нэрсийг энэ сарын 19-нд зарласан. Эдгээр нэрийн жагсаалтад Сяо Ячины нэр байгаагүй нь дээрх мэдээллийг баталж байна хэмээн “Ройтерс” агентлаг мэдээлэв. Тэрбээр хамгийн сүүлд энэ сарын 6-нд болсон Бразил, Орос, Энэтхэг тэргүүтэй орны мэдээллийн технологийн сайдууд оролцсон цахим хурлыг даргалж олны өмнө ил гарсан билээ.

Өдгөө 62 настай Сяо Ячин Төрийн өмчийн хяналт, удирдлагын хороо, Зах зээлийн зохицуулалтын төрийн хороог тэргүүлж байсан туршлагатай улс төрчдийн нэг. Харин түүний одоо удирдаж байгаа мэдээллийн технологи, аж үйлдвэрийн яам 5G сүлжээ, цахилгаан хэрэгсэл, хагас дамжуулагч, вакцины нийлүүлэлт гэсэн Хятадын эдийн засгийн тулгуур баганыг хянадаг.

 “Зууны мэдээ” сонин
Б.Должинжав
 

Бусдад түгээх
  • gplus

Сэтгэгдэл үлдээх

Уншигчдын бичсэн сэтгэгдэлд olloo.mn хариуцлага хүлээхгүй болно.
ХХЗХ-ны журмын дагуу зvй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зvйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй. Сэтгэгдэлтэй холбоотой санал гомдолыг 772-01100 утсаар хүлээн авна.

Сэтгэгдэлээ бичихХураах

тэмдэгтэнд багтааж бичнэ үү.