Лондон хотын дарга эдийн засгийн хямрал гудамжны хүчирхийллийг өдөөнө гэж эмээж байна

Их Британийн эдийн засгийн хүнд нөхцөл байдал нь залуу хүмүүсийн дунд гудамжны гэмт хэрэг нэмэгдэхэд хүргэж болзошгүй юм. Лондон хотын дарга Садик Хан The Guardian сэтгүүлд өгсөн ярилцлагадаа энэ тухай мэдэгдэв.

“Хямрал улам гүнзгийрч, хүчирхийлэлтэй тэмцэх чиглэлээр гаргасан ахиц дэвшлийг цуцлах аюул заналхийлж байгаа тул энэ зун хүчирхийлэл нэмэгдэж болзошгүйд би санаа зовж байна" гэж тэр хэлэв. Ядууралтай адил хүчирхийллээс зайлсхийх боломжтой. Их Британийн засгийн газар бүх хүнд илүү шударга, аюулгүй Лондонг бий болгох хүсэл эрмэлзэлтэй байгаагаа харуулахын тулд илүү их зүйлийг хийх ёстой”.

Улс орны эдийн засгийн хямралын үр дүнд гэмт хэргийн бүлэглэлүүд залуучуудыг эгнээндээ татахад хялбар болно гэж С.Хан хэлэв. Үүнтэй холбогдуулан хотын дарга залуучуудыг гэмт хэргээс ангижруулахад нь туслах зорилготой хөтөлбөрүүдэд нийт 8 сая фунт стерлинг буюу 9.7 сая доллар хуваарилж байгаагаа зарлав.

Лхагва гарагт нийтэлсэн албан ёсны мэдээллээр Их Британийн инфляци долдугаар сард өмнөх оны мөн үеийнхээс 10.1%-д хүрч, сүүлийн 40 жилд байгаагүй өндөр үзүүлэлт болжээ. Английн банкны хамгийн сүүлийн үеийн тооцоогоор намар тус улсын инфляцийн түвшин 13%-иас давж магадгүй байна. Гуравдугаар сард Лондонд төвтэй Эдийн засаг, бизнесийн судалгааны төвөөс Их Британид 1950-иад оноос хойшхи хамгийн том амьжиргааны түвшин буурах эрсдэлтэй байгааг анхааруулсан тайлан гаргажээ.
 

Зууны мэдээ сонин
З.Батцэцэг
 

Бусдад түгээх
  • gplus

Сэтгэгдэл үлдээх

Уншигчдын бичсэн сэтгэгдэлд olloo.mn хариуцлага хүлээхгүй болно.
ХХЗХ-ны журмын дагуу зvй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зvйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй. Сэтгэгдэлтэй холбоотой санал гомдолыг 772-01100 утсаар хүлээн авна.

Сэтгэгдэлээ бичихХураах

тэмдэгтэнд багтааж бичнэ үү.