В.Путин Монголоор дамжуулан Хятадад байгалийн хий нийлүүлэх үндсэн параметрүүдийн тухай хэлэлцээрийг зарлав

Орос, Хятад улсууд Монголоор дамжуулан Хятадад байгалийн хийн нийлүүлэх үндсэн үзүүлэлтүүд, тэр дундаа үнийн талаар тохиролцов. Энэ тухай ОХУ-ын Ерөнхийлөгч Владимир Путин Дорнын эдийн засгийн чуулга уулзалтын нэгдсэн хуралдааны үеэр мэдэгдсэнийг форумын цахим хуудсуудаар дамжуулав.

Тэрбээр “Миний ойлгосноор эдийн засгийн операторууд хоорондоо тохиролцсон. Аль нэг замыг Монгол Улсын нутаг дэвсгэрээр дамжуулан тавьж болно гэж хүн бүр итгэж байгаа. Энэ хэлэлцээрийн үндсэн асуудлыг бүхэлд нь тохиролцсон. Хятад найзуудтайгаа үнийн параметрийн талаар тохиролцсон ч тийм ч амар байгаагүй, манай хятад найзууд хэцүү хэлэлцээ хийдэг хүмүүс” гэлээ. 

Мөн В.Путин Монгол Улс бол найрсаг, улс төрийн хувьд тогтвортой орон гэдгийг онцолсон. ОХУ-ын Ерөнхийлөгч Монгол Улсын Ерөнхий сайд Лувсаннамсрайн Оюун-Эрдэнэтэй уулзах үеэрээ “Роснефть” тус улсын эрх баригчидтай хамтын ажиллагаагаа өргөжүүлэхээр тохиролцож, нефтийн бүтээгдэхүүн нийлүүлэх асуудлаар тохиролцсоныг тэмдэглэв.

Хоёрдугаар сарын сүүлээр “Газпром” болон Монголын Засгийн газар ОХУ-аас БНХАУ хүртэл тус бүгд найрамдах улсын нутаг дэвсгэрээр дамжин өнгөрөх “Союз Восток” хийн хоолойн зураг төслийг боловсруулах шатанд шилжсэн.

Энэхүү хий дамжуулах хоолой нь Оросын төлөвлөж буй "Сибирийн хүч - 2" хийн хоолойн үргэлжлэл бөгөөд ОХУ-ын хийг Хятад руу жилд 50 тэрбум шоо метрийг нийлүүлэх боломжийг олгоно. Төслийн бүтээн байгуулалтын ажлыг 2024 онд эхлүүлэхээр төлөвлөж байгаа бөгөөд Монгол дахь хийн хоолойн урт нь 960 орчим км, хоолойн диаметр нь 1400 мм, компрессорын таван станц байхаар төлөвлөж байна. Сибирийн эрчим хүч 2-ын экспортын хүчин чадал Сибирийн эрчим хүчний хийн хоолойн хүчин чадлаас 1.3 дахин их байх төлөвтэй байна.
 

Зууны мэдээ сонин
З.Батцэцэг

 

Бусдад түгээх
  • gplus

Сэтгэгдэл үлдээх

Уншигчдын бичсэн сэтгэгдэлд olloo.mn хариуцлага хүлээхгүй болно.
ХХЗХ-ны журмын дагуу зvй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зvйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй. Сэтгэгдэлтэй холбоотой санал гомдолыг 772-01100 утсаар хүлээн авна.

Сэтгэгдэлээ бичихХураах

тэмдэгтэнд багтааж бичнэ үү.
  • ОГТ БУТЭХГУЙ МОРООДОЛ 2022-09-11 21:29:23
    МОНГОЛ УЛСААР ДАМЖИХ ШАТДАГ ХИЙН ХООЛОЙ ЛАВ Л 10 ЖИЛДЭЭ БАРИГДАХГУЙ МОНГОЛЧУУД Л ХИЙ ХООСОН ХООРЦОГЛООД БАЙГАА БОЛОХООС ОРОСЫН ЭСРЭГ ХОРИГИЙГ ЦУЦЛААГУЙ БАЙГАА...
  • Зочин 2022-09-11 09:46:14
    Энэ бол оросын зэвсэг
  • Бат 2022-09-11 04:08:44
    Монголчууд хот орчмоо байгалын хий авдаг болох талаар ярихгүй юм аа
  • onoch 2022-09-09 16:04:32
    Яахав. Гол нь транзит татвараа зөв авах.
  • Зочин  2022-09-09 11:48:11
    Монгол Оросын 960 км хоолойгоос 1 жилд хичнээн татвар авах юм болдоо Байгаль орчинд хортой нь мэдээж тул...нөхөхөд их үнэтэй бх ёстой