ТЦА-ны Урьдчилан сэргийлэх ажил хариуцсан ахлах зохицуулагч, цагдаагийн хошууч Г.Отгонтамир "2022 оны 10 дугаар сарын 10 -ны  өдрийн 18: 53 цагт  цагдаагийн байгууллагад дуудлага ирсэн. Баянзүрх дүүргийн 26-р хороо Олимп хотхоны хойд замд Ланд-200 автомашины жолооч эсрэг урсгал руу орж, 7 тооны суудлын автомашиныг мөргөж, гарцаар гарч байсан 12 настай хоёр хүүхдийг мөргөж гэмтээсэн осол цагдаагийн байгууллагад бүртгэгдсэн. Ослын газарт хэргийн газрын үзлэгийг хийсэн, одоо мөрдөн шалгах ажиллагаа явагдаж байна. Тухайн осолд өртсөн хоёр зорчигч эрүүл мэндийн байгууллагын хяналтанд байгаа. Шүүх эмнэлгийн дүгнэлт гараагүй байна. Урьдчилсан байдлаар хэрэг ослын газар дээр тухайн жолоочийг драйвераар шалгахад согтууруулах ундааны зүйл хэрэглээгүй гэдэг нь тогтоогдсон. Мөн сэтгэцэд нөлөөлөх мансууруулах төрлийн бодис хэрэглэсэн эсэхийг шалгахад ямар нэгэн зүйл хэрэглээгүй гэж гарсан. Жолооны үнэмлэхгүй жолооч биш хүн байсан. Мөрдөн шалгах ажиллагаа хуулийн дагуу үргэлжлэн явагдаж байна" гэлээ.



Хүүхдийг хашлагатай нидрээд чирсэн мөр....