Х.Нямбаатар: Замын-Үүд-Эрээний боомтыг нээхээр боллоо

БНХАУ-ын хил нээгдэх болсон талаар боомтуудын үйл ажиллагааны талаар  ХЗДХ-ийн сайд Х.Нямбаатар мэдээлэл хийлээ. 


Тэрбээр "Боомтын сэргэлтийн үндэсний зөвлөл БНХАУ-ын ӨМӨЗО-ны боомтын асуудал хариуцсан даргатай цахим уулзалт хийлээ. Хоёр орны боомтын үйл ажиллагаа зэрэг олон асуудлаар санал солилцсон. Тухайлбал, төмөр замын хил холболтын асуудал, тэр дундаа Гашуунсухайт-Ганцмод боомтын төмөр замын бүтээн байгуулалтын ажлыг 2023 оны нэгдүгээр сард багтаан санхүүжүүлж, гүйцэтгэхээр санал солилцлоо.   ӨМӨЗО-ны боомтын захиргааны баримталж буй боомтод шинжлэх ухаан технологийн ололтыг нэвтрүүлэх, 5G технологийг ашиглаж бараа солилцоог нэмэгдүүлэх саналыг тус улсаас тавилаа. Бид тавьж буй бүх санал хүсэлтийг хүлээн авлаа. Өлзий, Цагаан дэл уулын боомтын асуудлаар тус улсаас санал мөн тавьж байна. Хоёр улсын хооронд байгуулсан хэлэлцээрт чармайлт гаргаж ажиллана. Аюултай ачаа тэсэрч дэлбэрэх бодис нэвтрүүлдэг боомт Замын-Үүд-Эрээний боомт байгаа. Цаашид ӨМӨЗО-ны зүгээс зорчигч ихээр нэвтэрдэг боомтуудаар аюултай ачаа тэсэрч дэлбэрэх бодис нэвтрүүлэх нь зохимжтой биш. Хоёр талын бэлтгэл ажил хангагдсан байдлаас шалтгаалж нэгдүгээр сарын 8-наас эхэлж, зорчигчийн, авто замын боомтуудыг нээх шийдвэр гарсан. Эхний ээлжид бэлтгэл бүрэн хангагдвал Замын-Үүд-Эрээний боомтыг нээхээр болж байна. Бэлтгэл ажил хангагдаагүй тохиолдолд энэ хугацаа сунгагдаад явна.  Дараа нь Шивээхүрэн, Сэхээ, Ханги-Мандал, Бичигт гэх мэт дарааллаар боомтуудыг нээх бэлтгэл ажлыг хийж байгаа талаар ӨМӨЗО-ны төлөөллүүд илэрхийллээ. Агаарын тээврийн боомтуудыг дурдсан хугацаанаас эхэлж нээхээр төлөвлөж байгааг БНХАУ-ын талаас мэдээлсэн" гэлээ.  Түүнчлэн тэрбээр "Замын-Үүд-Эрээний боомтыг нээх тухайд мэргэжлийн яамд санал дүгнэлтээ өгсний үндсэн дээр Засгийн газраас тодорхой шийдвэр гарах байх гэж бодож байна. Бөмбөлөг тээвэр гэдэг бол 2022 оны хувьд манай улсын эдийн засагт тодорхой үр дүнгээ өгсөн.  Цагаан хад орчмын бөмбөлөг тээврийн үйл ажиллагаанд баримтлах журмыг зөөллөх сулруулах байдлаар өөрчлөхөөр төлөвлөж байна. Шинээр нүүрсийг худалдах тохиолдолд хил үнээр зарахаар болж байгаатай холбоотой "Эрдэнэс Тавантолгой" ХХК болон бусад төрийн өмчит компаниуд нүүрсний тээврийн тендер зарлаж байгаа. Үүнтэй уялдаж, Цагаанхад дахь бөмбөлгийн зохион байгуулалт шинээр зохион байгуулагдана" гэлээ. 

 

"Зууны мэдээ" сонин
Т.Сайхан
 

Бусдад түгээх
  • gplus

Сэтгэгдэл үлдээх

Уншигчдын бичсэн сэтгэгдэлд olloo.mn хариуцлага хүлээхгүй болно.
ХХЗХ-ны журмын дагуу зvй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зvйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй. Сэтгэгдэлтэй холбоотой санал гомдолыг 772-01100 утсаар хүлээн авна.

Сэтгэгдэлээ бичихХураах

тэмдэгтэнд багтааж бичнэ үү.
  • Зочин  2022-12-28 20:31:21
    Эртхэн хурдхан тодорхой мэдээлмээр бна 3 жил ирээгүй хүүхдээ сургуулийн амралтаар нь ирүүлмээр бна 8нд наашаа эрээний хилээр гарч ирж болох юм блвуу