“...Б.Содномдаржаа, Т.Чимгээ нар С.Зоригийг хөнөөсөн” гэх хэргийг хэрэгсэхгүй болгох санал НПГ-т иржээ

Гурван шатны шүүх 2017 онд Б.Содномдаржаа, Т.Чимгээ нарыг С.Зоригийг хөнөөсөн хэргээр тус бүр 20 жилийн хорих ялаар шийтгээд байсан. Харин Дээд шүүх 2021 оны тавдугаар сарын 14-нд “...Шинээр илэрсэн нөхцөл байдлыг хянуулах тухай” прокурорын дүгнэлтийг хүлээн авч, Сүхбаатар дүүргийн Эрүүгийн хэргийн анхан шатны шүүхийн 2016 оны арванхоёрдугаар сарын 27-ны өдрийн гуравдугаар шийтгэх тогтоол, Нийслэлийн Эрүүгийн хэргийн давж заалдах шатны шүүхийн 2017 оны гуравдугаар сарын 14-ний өдрийн 171 дүгээр магадлал, Дээд шүүхийн хяналтын шатны эрүүгийн хэргийн шүүх хуралдааны 2017 оны наймдугаар сарын 4-ний өдрийн 185 дугаар тогтоолыг тус тус хүчингүй болгож, хэргийг сэргээн шалгахаар прокурорт буцааж шийдвэрлэсэн. 

Өөрөөр хэлбэл, дээрх хоёр хүнд С.Зоригийг хөнөөсөн хэргийг хүлээлгэхийн тулд эрүүдэн шүүсэн гэж үзсэн юм. Ингээд хэргийг прокурорт очтол Б.Содномдаржаа, Т.Чимгээ нарт хувийн баталгаа гаргах таслан сэргийлэх арга хэмжээ авч, сулласан. 


Улмаар Дээд шүүхийн шийдвэрийн дагуу С.Зоригийг хөнөөсөн хэргийг сэргээн шалгах ажлын хэсгийг ТЕГ дээр байгуулсан. Уг ажлын хэсэгт ЦЕГ-аас бүрэлдэхүүн орж ажилласан. Тэд хэд хэдэн эрүүгийн хэрэгт мөрдөн байцаалтын ажиллагааг явуулж эхэлсэн. Гүйцэтгэх ажлын журам зөрчсөн, хэргийн захиалагчтай холбоотой, мөн үндсэн хэрэг багтсан байдаг. 

Тэгвэл мөрдөн байцаах ажиллагааны дүнд Б.Содномдаржаа, Т.Чимгээ нар С.Зоригийг хөнөөсөн гэдэг нь нотлогдоогүй байна. Тиймээс мөрдөх байгууллагаас дээрх хоёр хүнд холбогдох хэргийг хэрэгсэхгүй болгох саналыг өнгөрсөн долоо хоногт НПГ-т ирүүлсэн байна.

"Зууны мэдээ" сонин
Б.Дамдин-Очир
 

Бусдад түгээх
  • gplus

Сэтгэгдэл үлдээх

Уншигчдын бичсэн сэтгэгдэлд olloo.mn хариуцлага хүлээхгүй болно.
ХХЗХ-ны журмын дагуу зvй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зvйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй. Сэтгэгдэлтэй холбоотой санал гомдолыг 772-01100 утсаар хүлээн авна.

Сэтгэгдэлээ бичихХураах

тэмдэгтэнд багтааж бичнэ үү.
  • zochin 2023-01-23 13:30:36
    odoo ene 2 xuniig 6 jil xoryson setgel sanaa bux zuiliig tolj zoxiomol xereg uusgesen Tarvagadorjiig xiix tsag bolj
  • Зочин 2023-01-23 11:33:46
    Гурван шатны шүүхээр шийдвэрлэсэн хэргийг МАНгас хэрэгсэхгүй болгохоор зүтгэж байна. Аргагүйдээ МАНгасын цэрэг Ш.Отгонбилэг захиалж С.Зоригийг алуулсан....
  • иргэн 2023-01-23 07:44:41
    Эрүүдэн шүүж, хэрэг хүчээр тулгаж болохгүй. Баталж нотолж чадахгүй л бол цагаатгаж байх ёстой. Үзэмжээрээ хэрэг тулгаж хүн хохироодог прокурорыг хатуу шийтгэ