“Нэг чингэлэг ачаа 15 сая төгрөгт хүрч байсан бол 4 сая төгрөг болтлоо буюу бараг 3 дахин буулаа. Юмны үнэ одоо бууна” гэж ярьж байна. Гэхдээ бууна гэж найдах хэрэггүй. Учир нь чингэлгийн үнэ буурсан ч юанийн үнэ 510, доллар 3535 болчхоод байхад барааны үнэ буурна гэж ард олныхоо сэтгэл санаагаар тоглоод хэрэггүй гэж хэлж буй хэрэг.
 
Юмны үнэ буухгүй байгаа бас нэг шалтгаан нь Замын -Үүд -Эрээний чиглэлд зорчиж буй автобусны биетны үнэ  3 дахин нэмэгдчихээд байна. Тодруулбал зорчигч нэг талдаа 50 мянган төгрөгийн үнэтэй билетээр зорчиж байсан  ч автобусны хүрэлцээ муу хүмүүсийн урсгал их байгаа уяраас билетийн үнэ автоматаар нэмэгдэж Хятад талдаа ч тэр Монголд ч тэр 150 юань хүрчхэж. Энэ үзэгдэл амралтын өдрүүдэд бүр ч өндөр авч, унаа унашны гачланд автаж байгаа дүр зургийг Замын-Үүдээс бэлхнээ харж болно.
 
Нөгөөтэйгүүр барааны үнэ буух эсэх нь наймаачдын гарт байгаа гэхэд хилсдэхгүй бөгөөд Хятадад ч тэр Монголд ч тэр наймаачид үнээ зохиож, амандаа орсон тоогоо хэлж байгаа учраас буух тухай бодох, санахын ч хэрэггүй.