Санхүүгийн зохицуулах хорооны эрх зүйн байдлын тухай хуулийн 6.1.2, Үнэт цаасны зах зээлийн тухай хуулийн 38.10, 63.1.12, Хөрөнгө оруулалтын сангийн тухай хуулийн 9.2, 19.12, 22.5, 31.3, 37.13, 55.1.2, 55.1.4, 43.4 дэх хэсгийг үндэслэн Санхүүгийн зохицуулах хорооны 436, 437 дугаар тогтоолоор Хувийн болон Хамтын хөрөнгө оруулалтын сангийн  үйл ажиллагааны журмыг баталлаа. Ингэснээр уг журмын дагуу Хөрөнгө оруулалтын сангууд байгуулагдаж, үйл ажиллагаагаа эхлэх боломжтой болж байна. Хөрөнгө оруулалтын сангийн тухай хуулийг өнгөрсөн онд баталж, энэ оны нэгдүгээр сарын 1-нээс албан ёсоор хэрэгжиж эхлээд байсан. Харин хуулийн хэрэгжилтийг хангах журам саяхныг болтол гараагүй байсан юм.