Бямба, 2017 оны 08 сарын 19
Энэ өдрийг гэр бүлдээ бүхэлд нь зориул. Хэрвээ та ханьтайгаа харьцаа тааруу байгаа бол буруу зөвөө олж, харилцан ойлголцохыг хичээ. Хамтдаа гэрээ илүү тухлаг болгоход санаа тавиарай.
Ням, 2017 оны 08 сарын 20
Хөдөлгөөнтэй байвал эрч хүч амархан нөхөгдөнө. Аялал зугаалгад явах, спортоор хичээллэх, бие чийрэгжүүлэхэд ээлтэй. Тиймээс амьдралын идэвхитэй хэв маягийг баримтлах өдөр. Усны эмчилгээний чанар нэмэгдэх тул усаар муу бүхнийг ариусган цэвэрлэж болно.
Даваа, 2017 оны 08 сарын 21
Хүсэл сонирхлоо хязгаарлаж, дураар авираа татах өдөр. Ялангуяа гэр бүлийн хүрээнд үүссэн аливаа асуудлыг харилцан буулт хийж шийдвэрлэхгүй бол хүнд байдалд орж болзошгүй. Таны хувьд чөлөөт байдал тань юу юунаас илүү чухал санагдана. Үдэш болоход сэтгэл санаа амирлаж, та илүү романтик болно. Санхүүгийн асуудалд ухаалгаар хандахгүй бол дэмий зүйлд мөнгөө үрж болзошгүй.
Мягмар, 2017 оны 08 сарын 22
Ажил хэрэгч идэвхтэй хүмүүсийн ажил сэтгэлчлэн бүтнэ. Аливаад чин сэтгэлээсээ шударга хандаж чадвал хожно. Өгөөмөр өглөгч байх, бусдад бэлэг сэлт өгч баярлуулах, туршлагаа солилцох нь танд ашигтай.
Лхагва, 2017 оны 08 сарын 23
Зөн билгээ дагаж шийдвэр гарга, ажлаа төлөвлө. Гэрээ хэлцэл хийх, чухал бичиг баримтад гарын үсэг зурахад сайн. Үдээс хойш бусдад үнэлэгдэх таны үнэлэмж эрс өснө. Хамтран ажиллах самал ирвэл хүлээж ав.
Пүрэв, 2017 оны 08 сарын 24
Нууцад нэвтрэх өдөр. Аян замд гарах, чухал арга хэмжээ зохион байгуулахад таагүй. Зугаа цэнгэл хөөвөл бие сэтгэл хямарна. Мөргөл залбирал үилдэж, буян хийвэл амьдралын утга учир, нууцад нэвтэрнэ.
Баасан, 2017 оны 08 сарын 25
Төөрөгдөлд орж болзошгүй. Өнөөдөр таны энерги сул байгаа тул муу хүн, хэл амнаас болгоомжил. Хоол хүнснээс хордох магадлал өндөр тул хүнд хоолноос татгалз. Хэн нэгэн танд нөлөөлөх гэж оролдоно. Эсвэл эргэлзээтэй, хачин санал тавина. Шинээр ажил төрөл бүү эхлэ.
Бямба, 2017 оны 08 сарын 26
Бодол санаагаа цэгцлэн, сэтгзл санаагаа ариусгахад тохиромжтой. Шийдвэр гаргахаас зайлсхий, сайн нягтлалгүй элдвийг бүү амла. Худал хэлэх, хов ярих, хэрүүл маргаан дэгдээх муу. Өнөөдөр аливаа үгний энерги ихсэх тул хэнд, юу ярихаа сайтар нягтал.
Ням, 2017 оны 08 сарын 27
Өөртөө зориулах өдөр. Өдрийг гэр бүл, ойр дотны хүмүүсийн хүрээнд өнгөрөө. Эрүүл мэнд, гоо сайхандаа санаа тавь. Бусдын түрэмгийлэлд өртөж болзошгүй тул буйд зэлүүд газраар бүү яв.