Монголын урлагийн зөвлөлийн 2004 оны төсөл шалгарүүлах уралдааны дүн гарч эл наадамд оролцох уран бүтээлчлийн зардлыг олгохоор болжээ.
Уг уралдаанд 105 төсөл ирснээс тус зөвлөлийн тэтгэлгийн хороо болон удирдах зөвлөл хэлэлцэн 35 төсөлд 60700 гаруй ам.долларын тэтгэлэг олгохоор шийдвэрлэсэн байна.
Монголын шинэ урлагийн холбооны Огтлолцол олон улсын наадам, Улсын драмын эрдмийн театрын олон улсын театрын наадам, Бэст фото агентлагийн орчин үеийн гэрл зургийн үзэсгэлэн, Бүргэдчидийн холбооны Тэнгэрийн хаан бүргэд-2004 казак үндэсний соёлын өвийг сурталчлах олон улсын наадам, Монголын зохиолчдын эвлэлийн хорооны Монголын шилдэг уран зохиол эмхэтгэлийг англи хэлнээ орчуулах зэрэг төсөл шалгарчээ.