Пивоны гүзээнээс салах арга
Энэ нь хүүхэд тээх, төрүүлэхтэй холбоотой, харин эрэгтэй хүний хувьд бол жирэмсэн мэт цүдийсэн гэдэстэй явах нь огт тохиромжгүй шүү дээ.
Бидний та бүхэнд санал болгож буй дараах дасгалууд нь хийхэд маш хялбар, үр дүнтэй, хэвтээ байдалд хийдэг дасгал тул залхуу хүмүүст зориулсан гэж хэлж болох юм. Хөдөлгөөний хялбар арга, гэдсэнд үзүүлэх ачаалал зэрэг нь дасгал ямар үр нөлөөтэй болохыг та төдхөн мэдрэх болно. Та дасгалыг хийдээ заасан тоо хэмжээгээр нь хийж, нэгээс нөгөө рүү аажим шилжих хэрэгтэй. Та дасгалаа хийж дуусмагцаа 15 секунд орчим амраад дахин үргэлжүүлэх хэрэгтэй. Дасгалыг нэг удаа хийхдээ 5 удаа давтана. За ингээд дасгалаа эхлэе. Дээшээ харж нуруугаараа хэвтэнэ.
1.Гараа толгойн ард авч, хөлөө эгц дээш нь өргөж, өвдгөө 90 градус нугалан баруун хөлөө шаланд хүргэлгүй эгц урагш нь жийнэ. Ингэхийн сацуу цээжээ дээш өргөн баруун, зүүн тийш ээлжлэн эргүүлж, зүүн гарын тохойг баруун хөлний өвдөгт хүргэнэ. Эхний байдалд орж дасгалыг зүүн хөлнөөс эхлэнэ. Дасгалыг 10 удаа давтана.
2.Гараа толгойн ард авч, хөлөө өвдгөөр нь нугалан, хөлний тавхайг шалнаас салгахгүй. Баруун хөлөө дээш өргөн өсгийг зүүн хөлний тавхайг шалнаас бага зэрэг хөндийрүүлнэ. Цээж хөлийг тавхайг шалнаас бага зэрэг хөндийрүүлнэ. Цээж хөлийг аажим өргөж, толгойгоор баруун хөлний хөвдөг хүрнэ. Ийм байдлыг 2-3 секунд барьж, эхний байрлалд орно. Дасгалыг 10 удаа хийж байрлалаа солино.
3.Дээш харан гараа алдлан хэвтэнэ. Баруун хөлөө эгц дээш нь өргөнө. Ингээд дээш нь өргөсөн баруун хөлөө зүүн тар руугаа 90 градусаар аажим буулгаж, шаланд хүргэж эхний байдалд орно. Дасгалын 10 удаа давтаж, нөгөө хөлөөр үргэлжүүлнэ.
4.Хоёр гарыг биений дагуу тавьж, хоёр хөлөө өвдгөөр нь нугалан дээш өргөнө. Гэдэсний булчинг чангалан бөгсөн биеийг өвдгөөр цээжинд хүртэл дээш өргөнө. Байрлалыг 2-3 секунд барьж, хөлийг аажим доош буулгана. Дасгалыг 20 удаа давтана.
5.Гараа толгойны ард авч, тохойг газар хүргэнэ. Хоёр хөлийг эгц дээш нь өргөж, хөлөө өвдгөөр нь бага зэрэг нугална. Нурууг газраас хөндийрөхгүй толгой мөрийг дээш өргөнө. Ингээд эхний байрлалд аажим орж, дасгалыг дор хаяж 20 удаа давтана.
