Шатахууны үнийг дагаад өргөн хэрэглээний бараа бүтээгдэхүүний үнэ өсдөг тул манай улсын эдийн засаг болоод иргэдийн амьжиргаанд сөргөөр нөлөөлөх нь нэгэнтээ ойлгомжтой болоод байсан билээ. Харин ЮКОС компани экспортлох шатахууны үнээ нэмэхгүй болсон гэж мэдэгдсэнийг ЮМ-Трейд компани зарлалаа. ЮКОС-оос ирүүлсэн мэдэгдэлд Монголын нефтийн бүтээгдэхүүний зах зээлийн тогвортой байдлыг хангах зорилгоор ЮКОС-PM компани дараах шийдвэрийг гаргалаа. Дэлхий дахинд болон Оросын дотоодын зах зээл дээр нефть, нефтийн бүтээгдэхүүний үнэ өсч байгааг үл харгалзан энэ зургадугаар сард Монголд нийлүүлэх нефтийн бүтээгдэхүүний үнийг өмнөх түвшинд нь хадгалан үлдэхээр шийдвэрлэлэ гэсэн байна. Ямартаа ч энэ сард манайд нийлүүлэх нефтийн бүтээгдэхүүн тавдугаар сарын ханшаа хадгалах юм байна. Иймд шатахууны үнэ энэ удаад ахин нэмэгдэхгүй бололтой.