Ямар ч байсан сонгуулийн сурталчилгаа эд оволзож байхад энэ баяр тохиосоор ирэв. Тэгэхдээ энэ жилийн хүүхдийн баяр урьд урьдынхаас хавьгүй нижгэр болох шиг болов. Лав л нийслэлийн хүүхдүүд чихэр, мөхөөлдөс, элдэв амттан, цэнгүүнд нэг өдөр баялуурч өнжлөө. Сонгуулийг МАХН, Эх орон-Ардчилал гэсэн хоёр гол хүчний хооронд болно гэж бид урьдчилан таамаглаж байгаа. Тэгвэл хүүхдийн баярыг тэмдэглэх арга хэмжээ ч бас л энэ хоёрын хооронд болсон төдийгүй яг л сонгууль шиг өрсөлдсөн гэж хэлж болно. МАХН-аас зохион байгуулсан хүүхдийн баяр улсын наадам шиг Төв цэнгэлдэх хүрээлэнгээс эхлэв. Хүүхдийн олон байгууллага жагсаал хийж, тэр жагсаал явсаар улсын төв номын сангийн дэргэд ирэхэд Ерөнхий сайд тэдний эгнээнд орлоо. Ерөнхий сайдтай хүүхдүүд, хүүхдийн байгууллагынхан жагсаж явсаар төв талбайд орж ирэхэд Төрийн тэргүүн энд тэднийг хүлээж байв. Ингээд цэнгүүний өрнөл эхэлсэн. Гоё хувцалсан хүүхдүүд тэднээсээ дутхааргүй гангалсан томчууд цэцэг, бөмбөлөг нүд эрээлжлээд сайхан гэдэг нь. Ерөөс хаана хүүхэд цэцэг хоёр байн, тэнд гоё ганган байдаг юм чинь. Хүүхэд томчуудын урлагийн тоглолт болов. Лавтайяа өдрийн хагас хөлд дарагдсан төв талбай, маань харамсалтай нь цэнгүүн тархад хогондоо дарагдсаар үлдсэн. Дараа нь Драмын театрын үүдэнд Асашёорюү сангаас зохион байгуулсан бас нэг арга хэмжээ болсон. Ерөнхий сайд л лав тэнд харагдсан. Ерөнхий сайд маань өөрөө тойргийнхоо хүүхдийн хүслийг энэ өдөр биелүүлж тэднийг гялайлгасан гэнэ. МАХН-ын Ерөнхий нарийн бичгийн дарга Д,Идэвхтэн ч нэр дэвшсэн тойргийнхоо хүүхдийн гарыг цайлгаж байх нь ч телевизээр харагдсан. Эвслийнхэн үүнээс юу гэж дутахав. Зарим хэвлэлд мэдээлсэнээр бол бага үд болоход аав, ээжтэйгээ хөтөлцөн /өнөөдөр 2004-6-03 130/