Бурханч лам нээлтийн үеэр хэлсэн үгэндээ ,
-Солонгос, Монгол эртний харилцаатай, тэр тусмаа буддын шашинт улс. Бидний хооронд адил төстөй зүйл их бий. Энэ удаагийн үзэсгэлэн хоёр улсын соёлын харилцаанд томоохон хувь нэмэр оруулж байна хэмээн онцлон тэмдэглэв. Зураачид өөрсдийн бүтээсэн бурхны хөрөг төдийгүй байгаль, ан, амьтан, ард түмний аж байдлыг харуулсан олон сэдвээр туурвисан бүтээлээ авчирчээ. Зарим зураачид нь зургаа хобогдох байгууллага, хүмүүст бэлэглэх аж. Солонгосын буддын соёлын сан нь 1970-аад оны эхээр байгуулагджээ. Буддын соёлыг хамгаалах, түгээн дэлгэрүүлэх зорилготой тус сан цаашдаа манай улсад өөрийн салбараа нээх гэнэ.