Билгийн тооллын жил бүрийн зуны эхэн сарын 15-нд Бурхан багшийн IX дүйцэн өдөр тохиодог. Энэ эдөр өчигдөр байлаа.
Бурхан багшийн эхийн хэвлийд оршсон, илтэд туулсан бурхан болсон буюу гэ-
ээрсэн, жанч халсан буюу таалал төгссөн гурван тохиол энэ өдөр давхцдаг аж. Тий-мээс Монгол төдийгүй бурхны шашинтай улс орнууд зуны эхэн сарын 15-нд Бурхан багшийн их дүйцэн өдрийг тэмдэглэж, Бурхан багшийн чог гэдэг номыг хурдаг байна.
Гандантэгчинлэн хийдийн хувьд Бурхан багшийн их дүйцэн өдрийг сүсэгтэн олон-гойгоо хамтран тэмдэглээд дөрвөн жилийн нүүр үзэж буй. Энэ өдрийг тэмдэглэх ёслол өчигдөр өглөөний 07 цагаас гандангийн төв цогчин дуганд Бурхан багшийн чог номыг хурснаар эхэлжээ. Их үдэд Жанрайсэг бурхны өмнөх хүндэтгэлийн талбайд Бурхан багшид хүндэтгэл үзүүлэх зслол үйлдлээ. Ёслолыг Монголын бурхан шашны төвийн тэргүүн хамба Д.Чойжамц нээсэн бөгөөд төр, шашны төлөөлөгчдөөс Ерөнхий сайд Н.Энхбаяр, Гандантэгчинлэн хийдийн дэд хамба Ё.Амгалан нарын хүмүүс оролцсон юм. Энэ үеэр Энэтхэгээс ирж ном хурж байгаа гурван рембүүчий айлдвар айлдаж, их шүтээн Жанрайсэгт мандал өргөн, Бурхан багшийн магтаалыгмонголоор уншлаа.
Yүний дараа уламжлал ёсоор ардын жүжигчин Б.Зангад, Монгол Улсын гавьяат жүжигчин А.Дашпэлжээ, А.Долгор нар ая дууны мэнд өргөн, нугараач Ихэрцэцэг охин уран нугаралтын үзүүлбэр сонирхуулсны дараа Морин хуурын чуулга төрийн хошой шагналт Н.Жанцан-норовын Цагаан суварга-аар сүсэгтэн олныхоо соно-рыг мялаасан юм.
Монголын бурхан шашны төвийн тэргүүн Д.Чойжамц нийт сүсэгтэн олондоо хандан эв эетэй, асрал нийгүүлсэнгүй байж, хамаг амьтан зовлонгүй, төр түвшин амгалан байх айлтгал айлдлаа.

Мөн энэ өдөр Дашчойлон хийдэд болж буй арга хэмжээг сонирхлоо. Бурхан багшийн чог номоо хэдийнэ хураад эхэлжээ. Хийдийн багш Б.Жаргалтай уулзахад Энэ өдөр хурж байгаа хурал номын учир нь нийт ард иргэдээ бурхан багшид даатгаж байгаа хэрэг юм. Энэ өдөр олон буян давхацсан учраас алив үйлийг эхлэхэд маш сайн. Хийсэн буян түм бум болж арвиждаг их буяны өдөр. Тиймээс сүсэгтнүүд хийсэн буянаа арвитгах гэж цагаан хоол иддэг юм. Өчигдөр манай хийдэд Солонгос, Монголын лам нар хамтран Бурхан багшийн чог, Түйн мандал өргөсөн хэмээн ярилаа.
(өдрийн сонин 2004.06.04 139)