Хан хүү Сидихарта өшөө хорсол, уур хилэн уужим ухаан, ариун сэтгэлээр дарж номхотгон, учисан бүгдээ гэгээрүүлж, өөрөө гэгээрэлд хүрсэн тухай өгүүлэх жүжгийг хүүхдийн бачир ухаанд тохирсон, ухаарал хайрласан бүтээл болж чаджээ хэмээн үзэгч хүүхдүүдийн аав ээж сэтэгл хангалуун байна. Тэр байтугай жүжигчин хүүхдүүдийн аав ээж ч хүүхдүүдийнхээ мэргэжлийн жүжигчдээс дутуугүй тоглох авьяасыг бахдан, хэлэх үгээ олохгүй суусан. Бодь Чандман төвийн захиалгат Агь Сиддхартагийн аялал-ыг Спирт Бал Бурам компаний Сайн үйлсийн аян-аас ивээн тэтгэж ийнхүү асрмжийн газрын болон ядуу өрхийн хүүхдийг нэг өдөр баясгалаа. Хүүхдийн баярт нөгөөтэйгүүр Бурхан багшийн их дүйцэн өдөрт зориулан тавьсан энэхүү жүжгийг Спирт Бал Бурам-ынхан цаашид хөдөө орон нутгийн баяцхан үзэгчдэд ч үнэ төлбөргүй сонирхуулах гэнэ.