тэрхүү шалгаруулалтад тэнцсэн улс 2004 онд тусламж авах эрхээ олж авах юм. Бидний боловсруулсан төсөл Монгол Улсын эдийн засгийн өсөлтийг сайжруулах, олон хүнд хүртээлтэй, урт хугацааны, хамгийн агуулга сайтай байх нь чухал. Yүнээс л монголчууд хэдэн төгрөгийн тусламж хүртэх вэ гэдэг шийдэгдэнэ хэмээн Мянганы сорилтын сангийн үндэсний зөвлөлийн гишүүд өчигдөр болсон хэвлэлийн бага хурлын үеэр ярив. Мөн зөвлөл боломжтой гэж үзсэн төслүүдийг Мянганы сорилтын корпорацид санал болгох, ард түмний дунд нээлттэй, ил тод хэлэлцүүлэг явуулахаар төлөвлөж байгаагаа ярилаа. Түүнчлэн тус корпорацийн захирал П.Эппмартын зөвлөсний дагуу төслийг монголчууд гадаадын том компаниудаас тусламж авалгүй, бие даан боловсруулах гэнэ.