Бээжин дэхь Монголын Элчин сайдын яамны ажилтан нар БНХАУ-ын ГХЯ-ын консулын хэлтсийн тасгийн удирлагуудтай уулзаж, барьцаанаас зугтаж гарсан найман монгол эмэгтэйн аюулгүй байдлыг хангаж, улмаар яаралтай гарах виз олгож, нутаг буцаах арга хэмжээ авч өгөхийг хүсчээ. Барьцаалагдсан бүсгүйчүүд өнгөрсөн дөрөвдүгээр сарын 20-ны үед байгаа газраасаа зугтан гарч Бээжин хотын Яа Баолу, Ри Танийн цагдаагийн хэсгүүдэд мэдэгсэнээр аврагдсан байна. Энэ хэрэгт БНХАУ-ын улсын болон манай улсын иргэд холбоотой болох нь тогтоогдоод байна. Мөн барьцаанд таван эмэгтэй үлдсэн бөгөөд тэдний хоёр нь энэ сарын 12-ны өдөр зугатаж Элчин сайдын яамандаа ирсэн байна. Монголын элчин сайдын яам барьцаалагдсан эмэгтэйчүүдийн талаар Бээжин хотын цагдаагийн газарт ноот бичиг илгээжээ. Одоогоор гэмт хэрэгтнүүдийн толгойлогчдын нэгийг баривчилсан байна. Энэ үеэр барьцааны нэг эмэгтэйг суллажээ. Юутай ч Хятадын тал үүнийг БНХАУ-ын хууль дүрмэнд харш ноцтой гэмт үйлдэл гэж үзэн яаралтай шийдэж, монгол иргэдэд учирсан хохирлоо барагдуулах болно гэдгээ илэрхийлсэн байна.