Өчигдөр халдварт өвчинтэй тэмцэх үндэсний төвд хандсан хүмүүсийг нэмж тооцох юм бол энэ тоо 145-д хүрээд байгаа аж. Хордлогын шалтгааныг тогтоохоор Халдварт өвчин судлалын үндэсний төв, Нийслэлийн эрүүл мэндийн газар болон мэргэжлийн хяналтын газар шинжилгээ хийж байгаа бөгөөд гол төлөв баярын баялуунаас хүмүүс хордлого авчээ хэмээн мэргэжилтнүүд үзэж байна. Тухайлбал Сүхбаатар дүүргийн нэгдсэн эмнэлэгт өчигдрийн байдлаар хордлого авсан гэх 10 хүн ирж хүн ирж хэвтсэн гэх бөгөөд тэдгээр хүмүүс бүгд баялуу, түүнд түрхсэн кремийг идсэн гэж хэлжээ. Мөн Хан-Уул дүүрэг дэхь Амтлаг нарийн боовны цехийн баялуунаас хүмүүс хордсон гэсэн яриа гарч тэр цехийн үйл ажиллагааг зогсоожээ. Гэхдээ хордсон хүмүүс зөвхөн дээр дурьдсан цехийн баялуунаас болоогүй бололтой. Учир нь дүүрэг болгоноос хүмүүс эмнэлэгт хандан ирцгээж байгаа аж.