Өндөр цалин урамшуулалтай энэ спортын дээд хоёр зиндаа буюу Жүрёо, Макүүчид орчихсон бол хэн нэгэнд зарагдахгүй боломжийн цалин авна. Чухам хэдийг авдаг вэ гэдэг нь таньд сонин байна уу. Макүүчи зиндааныхан чансаагаасаа шалтгаалаад таван өөр цалин авна. Сумогийн их аваргын сарын цалин хоёр сая 820 мянга, Озэки хоёр сая 350 мянга, Сэкивакэ цолтон нэг сая 700 мянга Комүсүби мөн нэг сая 700 мянга, Маэгашира цолтон нэг сая 300 мянган иен авдаг байна. Харин Жүрёо зиндааны бөх нэг сая 30 мянган иен авдаг ажээ.