Yүнийг хэрхэн зохицуулах вэ?
Эмч нарын сэтгэлийг зовоож буй асуудлын нэг бол яах аргагүй ганцаараа хорвоог туулж байгаа хүмүүсийн эмгэнэлт, бэрхшээлтэи амьдрал бөгөөд үүнээс үүдэн сөрөг байдал нийгэмд ихээхэн хор учруулж байгаа явдал юм гэдэг. Үнэхээр ч тийм. Сэтгэл санаа, хоол унд, дур хүсэл, нойр гээд бүгдийг зохицуулж болох юм. Гэтэл бэлгийн харьцааг хэрхэн зохицуулах вэ?. Бас нэгэн хүндрэлтэй асуудал гарч эхэлнэ.
Зарим нэг хүмүүс өөрийн хүсэл ташаалын үүднээс үүнийгээ зохицуулаад явахад нэг хэсэг нь бэлгийн замын халдварт өвчин, ДОХ-оос айснаас болж энэ талын асуудлыг бүр хаядаг. Гэтэл энэ нь нэг талаар өвчнөөс сэргийлж байгаа хэдий ч тухайн хүний биологийн асуудлыг шийдвэрлэхэд тийм ч ухаалаг алхам биш юм. Тэгвэл энэ бүхнийг хэрхэн зохицуулах ёстой гэж та бодож байна вэ?

Үүний тулд
Та аюулгүй сексийг сонгож болох юм. Энэ нь биеийн шингэнийг солилцолгүйгээр сэтгэл санааны болон бие махбодын таашаал әвахыг хэлж байгаа юм. Чухам яаж гэж та сонирхож байгаа нь лавтай. Та чихээрээ, мэдрэхүйн эрхтнээрээ дамжуулан таашаал авч болно. Ингэхийн тулд таалагддаг хүнтэйгээ утсаар ярилцаж болно. Мөн бүжгэнд хамт орох, нэг үдшийг зөөлөн хөгжмийн аянд хамт сууж болно. Мөн Е-мэйл харилцан бичилцэж болно. Аль болох хоорондоо дотно харьцааг бий болгох хэрэгтэй. Энэ нь заавал нэг оронд унтаж хэвтэх асуудал биш юм. Гэтэл ийм байдал танд хангалтгүй санагдаж болох юм. Учир нь секс хийж байж л хоёр биенээсээ таашаал ханамж авах ёстой гэсэн гүн ойлголттой байдаг. Тэгвэл өөрийн сонгосон, сэтгэлээрээ дассан ганц л хүнтэйгээ бэлгийн тогтмол харьцаатай байх нь зөв. Гэхдээ хэдийгээр хоёр биедээ итгэдэг ч гэсэн аюулаас урьдчилан сэргийлэхийн тулд бэлгэвч хэрэглэх нь ирээдүйн харьцаанд чинь сэв суухгүй шүү дээ. Ингээд бие болоод сэтгэлийн таашаалыг хэрхэн бүрэлдүүлэх талаар таны өөрийн мэргэн сонголт энэхүү бэрхшээлтэй асуудлыг зөв шийдвэрлэхэд голлох үүрэгтэй болохыг бүү мартаарай. Сэтгэл санааны таашаал авна гэдэг бие махбодоор авсан таашаалаас дутах юмгүй гэдгийг сайтар ухаараарай.