Эмэгтэйчүүд эрчүүдийн гарыг харахдаа тамхины никотинд шарласан эсэх, хар хүрээ татсан хиртэй хумс, хэлбэр галбиргүй хуруу зэрэгт үнэхээр дургүй гэдгээ нуулгүй хариулжээ. Хэрвээ хумс засдаг газар нөхөр нь байнга очиход нь тусалдаг бол ийм эмэгтэйчүүдийг сайшаах нь зөв бөгөөд эдгээр санаачлагатай эрчүүдийг магтан дуулж болно гэж хошигнодог ажээ. Хэдийгээр ажил, амьдрапын хэв маяг тань таарахгүй ч гэсэн ямар ч эрчүүд бүсгүйчүүдийг өөртөө татая гэвэл өчүүхэн мэт санагдах хуруу, гартаа санаа тавих хэрэгтэй гэдгийг нуулгүй зөвлөж байна. Үүний тулд бага боловч манай зөвлөгөөг уншаарай. Та машинаа засах, байшин барих, ногоо хураах, тавилга хэрэгслээ будах зэргээс болж гараа бохирдсоноо анзаараагүй байж болно. Иймэрхүү ажил хийхэд гарын арьс өнгөө алдаж, тэр ч бүү хэл хатаж, сааралтан эвгүй харагддаг шүү дээ. Хумсны эргэн тойрон, арьсны судал бүрд хир тоос шингэж, тос болсон байдаг. Үүнээс хамгаалахын тулд ямар ч үед хамгаалалтын нимгэн, зузаан бээлийг өмсөж сурах хэрэгтэй. Гэвч бээлийгүй хийх шаардлагатай ажил байдаг. Хэрэв тостой зууралдах ажил хийх гэж байгаа бол давхар бээлий өмсөх хэрэгтэй. Харин гэртээ юм уу, ногооны талбайд ажиллах гэж байгаа бол гартаа тос нимгэн түрхчихэд гэмгүй. Дараа нь угаахад тос амархан арилна. Бохирдсон гарыг маргарин буюу ургамлын тосоор арчих хамгийн үр дүнтэй байдаг. Дараа нь халуун усаар сайтар угаа. Хэрэв хэтэрхий зузаан, арилахааргүй ихээр бохирдсон байвал гараа сайтар савандаад муухан оймс, ширүүвтэр зузаан эдлэлийг гараа үрэх маягаар угаагаад үз. Харин элдэв үзүүртэй зүйлсээр хумсны хир, тосыг арилгах гээд гарын арьсаа гэмтээх хэрэггүй. Угаасны дараа гарын тос түрхэх хэрэгтэй. Байнга тамхи татдаг хүний хуруу шарласан байдаг. Үүнийг арилгахын тулд никотины шарласан толботой газрыг нимбэгийн хальсны дотор талаар тогтмол арчихад тус болно. Ингээд хумсаа өөртөө тохирсон хэв маягаар засахад тийм ч их цаг хугацаа шаардагдахгүй. Бүсгүйчүүд шиг хэт их урт нарийхан болгох хэрэггүй. Мөн хэт хавтгай хэлбэртэй болгох үзэмжгүй харагдана. Өвлийн хүйтэн улиралд гарын арьсыг хэрхэвч хөлдөөж болохгүй. Энэ нь гарын хэв өөрчлөгдөхөд хамгийн хортойгоор нөлөөлнө. Байнга бээлий өмсөх хэрэгтэй. Эцэст нь хэлэхэд сэтгэл татам хуруу, гартай эрчүүд хүүхнүүдийн сэтгэлийг гойд татна гэдгийг бүү мартаарай.