Энэхүү институт нь анх 1961 оноос эхлэн үйл ажиллагаагаа явуулж эхэлсэн бөгөөд өдгөө Европын холбооноос хүлээн зөвшөөрөгдсөн, Белги улсын эдийн засгийн яамны хяналт дор дэлхийн хэмжээнд чанарын шалгаруулалт явуулдаг хамгийн анхны байгууллага юм байна. АПУ компаний үйлвэрлэдэг Боргио шар айраг, Чигис хаан архи нь ийнхүү олон шалгуур үзүүлэлтийг амжилттай даван туулсны эцэст дэлхийн нэр хүндтэй шагналаар шагнагдсан нь уг бүтээгдэхүүний амт чанарыг дэлхий нийтээр хүлээн зөвшөөрсний баталгаа боллоо. АПУ компани нь орчин үеийн техник технологийн шинэчлэлийг богино хугацаанд нэвтрүүлж чадсанаар манай энэ чиглэлийн үйлдвэрүүдээс анх удаа энэ шагналын эзэн болжээ.