Үр хөндүүлэх үед гарч болох хүндрэлүүд
-цус алдалт, түүнээс үүдэж гарах бусад хүндрэлүүд
-халдвар орж, цаашид даамжрах
-өвдөлтийн шок
-зөөлөн эд урагдах, умай цоорох
-умай агшихгүй байх, эхсийн хэсэг үлдэх
Үр хөндүүлсний дараа гарч болох өөрчлөлтүүд
-сарын тэмдэг алдагдах
-умайн булчингийн агших чадвар сул болсноос умайн хөндийд шавхарга хуримтлагдах
-умай, түуний дайврын үрэвсэл үүсэх
-даавар, шингэн тогтолцооны хямрал
-үүсэх
-архаг үрэвсэл сэдрэх
-үргүй болох
-дараагийн жирэмслэлтийн үед
-үр зулбах
-дараагийн жирэмслэлтэд эхэс буруу байрлах, эхэо цагаасаа эрт ховхрох, цус алдах
Үр хөндүүлсний дараа биений юм хэрхэн өөрчлөгдөх вэ, хэд хонож ирвэл хэвийн гэж үзэх вэ?
Үр хөндүүлсний дараа сарын тэмдэг их хэмжээтэй ирэх, удаан хугацаагаар үргэлжлэх зэрэг өөрчлөлтүүд гарч болно. Үр хөндүүлснээс хойш нэг сар гаруй болоод сарын тэмдэг ирэх ёстой. Энэ нь урьд нь хэд хоноод сарын тэмдэг ирдэг байснаас хамаарна.
Үр хөндүүлсний дараа цус гарах ёстой юу, хэрвээ их хэмжээний цус гарвал яах ёстой вэ?
Үр хөндүүлсний дараа 3-7 хоног цусархаг ялгадас гарах ёстой. Хэрвээ их хэмжээний цус гарвал эмчдээ яаралтай үзүүлэх шаардлагатай.
Үр хөндүүлснээс хэд хоногийн дараа эмэгтэй хүний бие эргэж хуучин хэвэндээ ордог вэ?
Үр хөндүүлснээс нэг сарын дараа эмэгтэй хүний бие хэвийн байдалд орно.
Энэ хугацаанд эмэгтэйчүүд биеэ хэрхэн арчлах ёстой вэ?
Эрүүл ахуйн дэглэмийг сайтар сахиж, а риун цэврийн хэрэглэлээ ойр ойрхон солих
Биеийн халуунаа эхний гурваас тав хоногт байнга хянаж, хэрэв халуурах, бие эвгүйтэх шинж илэрвэл эмчид хандах
Үр хөндүүлсний дараа нэг сарын хугацаагаар архи, тамхинаас татгалзах
Үр хөндсөний уршгаар биеийн эсэргүүцэл суларч, эрхтэн тогтолцооны зохицуулга алдагддаг тул амин дэмээр баялаг, илчлэг ихтэй хоол хүнс хэрэглэх хэрэгтэй.
Эмчийн хяналтад байх Хүнд юм өргөх, ус чийг ихтэй орчинд ажиллах, даарах зэргээс болгоомжлох шаардлагатай.
Үр хөндүүлснээс хойш хэд хоноод бэлгийн харьцаанд орж болох вэ?
Умайн амсар нээлттэй, умайн хана халдварт өртөмтгий байдаг тул бэлгийн харьцааг сар буюу биений юм иртэл тэвчихийг зөвлөе. Бэлгийн харьцаанд орохдоо жирэмслэхээс хамгаалах аргуудыг хэрэглэнэ.
Үр хөндүүлснээс хойш хэдийд дахин жирэмслэх боломжтой вэ?
Үр хөндүүлснээс 10-15 хоногийн дотор эм бэлгийн эс дахин боловсорч, хамгаалалтгүй бэлгийн харьцаанд орсон тохиолдолд сарын тэмдэг үзэлгүйгээр дахин жирэмслэх магадлалтай. Үр хөндүүлэх ажилбарыг зургаан сарын дотор, мөн түүнээс ойр ойрхон хийлгэвэл олон удаа хуссанаас умайн хана нимгэрч, улмаар цоорч болзошгүй бөгөөд ийм үед эмчлэхэд хүндрэлтэй байдгаас гадна эмэгтэйчүүдийн архаг хууч өвчтэй болж болзошгүй.
Үр хөндүүлснээс хойш хэзээ жирэмслэвэл тохиромжтой вэ?
Үр хөндүүлснээс хойш 1-1.6 жилийн дараа жирэмслэвэл зохимжтой