-Хэрэв гэртээ зуун наст тарьж ургуулдаг бол үүнийг туршаад үзээрэй. Зуун настын арзгар хэсгийг хэрчин аваад үлдсэн хэсгээс тууш хэрчиж хамрын нүхэнд багтах хэмжээгээр хий. Хэсэг байлгаад шүүсгүй болох үед нь буцаан гарга. Ийнхүү ойр ойрхон хэрчим зуун настыг солих хэрэгтэй. Эхлээд хамар дотор нэлээд хорсож өвдөх мэт болоод нулимс гарах болно. Гэвч үүнээс бүү шантраарай. Мөн ийм аргаар сонгино хэрэглэж болно

-Хэрэв хамрын ханиад нэлээд хүндэрсэн бол эдийн саван нэлээд тустай. Эхлээд савангаас хэрчмийг аваад усанд дэвтээн хөөсөртөл нь хутга. Ингээд бэлэн болсон усгүй зөвхөн хөөсийг нь зөвхөн хамрын нүх рүүгээ нэлээд ихийг соруулан оруул. Хэд хэдэн удаа хийхэд хүчтэй натиах болно. Энэ нь хамрын битүүрлийг арилгах хамгийн сайн арга болдог. Дараа нь хамраа бүлээн усаар зайлаад хуурай болтол нь арчих хэрэгтэй. Энэ аргыг хамрын ханиадаа эдгэтэл нь хэрэглээд үзээрэй.

-Хамар битүү байснаас болж чихээр хатгаж өвддөг. Иймээс хамрыг цэвэр байлгаж битүүг арилгаж амьсгал авахад боломжтой байлгах хэрэгтэй. Хамар битүүрэх үед нафазолин, эфедрин гэх мэт хамрын дусаагуур хэрэглэж болно. Харин энэ үед усанд орж болохгүйг сана.

Ханиад хүрсэн үед нойроо ханатал унтах ёстой. Томуу, томуу төст өвчиний үед маш тайван унтаж амрах хэрэгтэй байдаг. Ер нь хүний ажиллах амьдрах орчноос шалтгаалан унтах цаг харилцан адилгүй байдаг. Гэхдээ хоногт 6-8 цагийг нам тайван унтахад зориулах хэрэгтэй. Ханиад хүрсэн үед нойр муутай, дутуу нойртой хоновол шилэн хүзүү хатууран толгой өвдөх мэт босдог. Нойроо хүрэхгүй байна гээд шөнө дунд өнгөртөл ном сонин унших болон элдвийн эм уух, хэт архидах зэрэг нь ханиадыг улам хүндэрхэд нөлөөлнө.
Харин үүний оронд зүүн гарын эрхий хуруугаараа хүзүүний зүүн урд дарна. Дараа нь эгэм рүү чиглэсэн гүрээний тараагуурын дөрвөн цэгт дарна. Yүнийг хүзүүний зүүн болон баруун талд 3 удаа давтана. Мөн хөлийн эрхий хурууг дээш доош хөдөлгөн хөлний угаас өсгий хүртэл иллэг хийнэ. Хамгийн гол нь маш тайван сэтгэлийн хямралгүй, ямар нэг санаа зовиурлах зүйлгүй унтах нь бие тайвширч, өвчин илааршиж, сайхан амрахад сайнаар нөлөөлнө.

-50 гр саримсыг новокинтай хольж 20 удаа утлага хий
-Унтахын өмнө тарваган шийртэй халуун сүү ууж сайтар хөлрөх хэрэгтэй. Энэ үед хөлсөө сэвж болохгүй.

-Цээжинд цэр ихтэй байвал эуфиллин ууж цээжээ доргион цэр ховхлох массаж хий.
-Илчлэг ихтэй тослог хоол идэж, шар тос халааж уу.
-Чачаргана болон содтой халуун усаар утлага хий.
-Хэрэв халуураагүй бол заавал антибиотик уух шаардлагагүй.