Энэ хугацаанд Өвөрхангай аймгийн Уянга, Тарагт, Арвайхээр, Хужирт, Хархорин, Дундговь аймгийн Сайхан-Овоо, Өмнөговь аймгийн Булган Даланзадгад зэрэг сумын нутагт 2.5-22.0 мм тунадас орсон байна. Монгол Улсын засгийн газрын Усны шинэтгэл-XXI хөтөлбөрийн хүрээнд Онги голынхон хөдөлгөөн, Өвөрхангай аймгийн Зүүнбаян-Улаан, Уянга, Дундговь аймгийн Сайхан-Овоо сумын ИТХ, Засаг даргын Тамгийн газрын хүсэлтээр Ус цаг уур, орчны шинжилгээний газрын харъяа Цаг агаарт зориудаар нөлөөлөх эрдэм шинжилгээ, туршилт үйлдвэрлэлийн Хурын шим төвийнхөн зургадугаар сарын 12-18-нд Хангайн нурууны өмнөд хэсэг Онгийн голын эхэнд хур тунадас нэмэгдүүлэх туршилтын ажил хийсэн нь энэ юм. Ийнхүү хангай нуруунаас эх авч урсдаг гол, булаг, шандын ус ундаргыг зориудын аргаар хур тунадас оруулах замаар сэргээх анхны туршилтын ажил амжилттай боллоо.