Уг буухиа галт тэрэг Беларусь Улсын Брест өртөөнөөс энэ сарын 15-ны өдөр гарч найм хоног явж өчигдөр 15 цаг 10 минутад Улаанбаатарт ирсэн юм. ОХУ-аас Монгол Улсад суугаа Онц бөгөөд Бүрэн эрхт элчин сайд О.М.Дерковский болон НҮБ-ын төлөөлөгчид энэ ёслолын үйл ажиллагаанд оролцлоо. Транс-Азийн төмөр замын Хойд буюу Зүүн Өмнөд Азийг Европтой холбох төмөр замын коридоруудын нэг нь манай улсаар дамжин өнгөрдөг бөгөөд 2001 онд Сөүл хотод оролцогч орнуудын сайд нар уг коридоруудаар туршилтын галт тэрэг аялуулах тухай санамж бичиг үйлджээ. Монгольский вектор галт тэрэг явж эхэлснээр Европоос ирсэн ачаа тээвэрлэхэд гарч байсан хүнд-рэл арилсан бөгөөд онцгой татвартай барааг барьцаа шаардахгүигээр уг галт тэргээр тээвэрлэх боломжтой болсон байна. Ийнхүү төмөр зам зуу-чийн байгууллагуудын гар нийлсэн хамтын ажиллагаа нь Европыг Монголд ойртууллаа.
(өдрийн сонин 2004.06.25 158)