Нохойд ихэвчлэн 5-аас доош насны хүүхдүүд хазуулдаг. Голдуу толгой, хүзүү, нүүр хавьцаа хазуулдаг. Yүний улмаас биедээ насан туршийн сорвитой үлдэхээс эхлээд үүрдийн эрэмдэг зэрэмдэг болох, цаашилбал үхэлд ч хүргэж болно. Нохойн шүлсээр дамжин хүнд ходоод гэдэсний үрэвсэлт өвчин, арьсны өвчнүүд, бэтэг, халдварт галзуу өвчин тусах магадлал өндөр байдаг.

Гудамжинд яваа эзэнтэй болон золбин нохойд хүрэхдээ дараах зүйлийг анхаарна уу.
-Уяатай нохойд хүрч хэрхэвч болохгүй.
-Эзэнтэй нохойд хүрэхдээ өмнө нь эзнээс нь зөвшөөрөл авч бай.
-Нохой хоолоо идэж, унтаж байгаа үед нь бүү хүр.
-Нохойнд хүрэхдээ эхлээд гараа сунгаж үнэртүүл.
-Нохойны нүд рүү эгцэлж бүү хар. /Таныг өөрт нь дайсагнаж байна гэж боддог/
-Нохойны толгойг цохих буюу алгадах үйлдэл хийж болохгүй.
-Нохойны хүзүүнээс базах буюу сүүлнээс нь татаж хэзээ ч үл болно.

Нохойг гэртээ тэжээх гэж байгаа бол та дараах зүйлийг анхаарвал зохино.
-Нохой олуулаа амьдрах сонирхолтой амьтан тул та нохой тэжээхдээ энэ санамжийг анхаараарай.
-Тэжээх гэж байгаа нохойныхоо үүлдрийг зөв сонгож авах
-Нохойг бага гөлөг байх үеэс нь хүүхдүүдтэйгээ харьцуулж сургах
-Нохой жаахан хүүхдийг өөрийнхөө гөлөг шиг бодож хазах нь олонтаа тохиолддог.
-Нохойныхоо арьсыг гэмтэхээс хамгаалах, хэрэв гэмтсэн тохиолдолд татрангийн халдвар авч болзошгүй учир малын эмчид үзүүлж татрангийн эсрэг вакцин хийлгэх
-Нохойг ямагт гадаа бие засуулж сургах
-Нохойгоо гадуур зугаалуулсны дараа хоншоор, хөлийг нь угааж сургах.

Нохойд хүрснийхээ дараа та доорхи зүйлийг анхаарна уу.
-Нохойд хүрсэн, нохойтой тоглосон, хооллосны дараагаар гараа угаахаа мартуузай.
-Нохойн хоолыг хүний хоолноос тусад нь, зайтай хадгалах болон бэлтгэх хэрэгтэй.
-Бага насны хүүхдийн мөлхдөг, тоглодог орчноос өөр газар нохойг бие засуул.
-Жирэмсэн эмэгтэй нохойтой аль болохоор харьцахгүй байхыг хичээх хэрэгтэй. Учир нь нохойноос урагт нөлөөлөх токсоплазмос гэдэг халдвар халдах аюултай.
-Нохойг үнсэх болон нохойн хошуувчийг нүүр амандаа хүргэхийг цээрлэх.

Гудамжинд нохойгоо гаргахдаа…
-Нохойг хүзүүвчтэй хөтөлж явах
-Нохойд заавал хошуувч хийх

Нохойд хазуулахаас сэргийлэхэд та юу мэдэх шаардлагатай вэ?
-Таваас доош насны хүүхдийг ганцааранг нь нохойтой орхиж болохгүй.
-Нохой хоолоо идэж байгаа үед саад болохгүй байх
-Нохойг тайван унтуулах
-Гэртээ ам бүл нэмбэл нохойдоо аажим дасгаж, танилцуулах.

Хэрэв нохой тан руу болон таны хүүхэд рүү дайрвал яах вэ?
-Та гүйж зугтаах буюу хашгирч орилж хэрхэвч болохгүй.
-Байран дээрээ зогсох
-Хэрэв хүүхэд рүү дайрвал нүүрээ гараараа дараад байрандаа зогсоно.
-Дээрх байдлаар дайрсан нохойг холдтол зогсоно.

Хэрэв нохойны шүлс хүрсэн буюу нохойд хазуулбал
Нохойны шүлсээр дамжин халдварлаж болзошгүй галзуу өвчнөөс сэргийлэх тарилгыг 10-14 хоног хийлгэх шаардлагатай.