Санаж явууштай зүйл
Радио, хөгжим хэтэрхий чанга дуугаргах, нөхдийнхөө зөвшөөрөлгүйгээр олон зочдыг өрөөндөө урих, хонгилд чанга ярих, хэт орой өрөөндөө орж ирэх, хүн амьтан сэрээх зэргээс байнга болгоомжлох хэрэгтэй. Yгүй бол юм болгоныг голох, үглэх, хоол нь ч муу, өрөө ч тохиромжтой биш, цагаан хэрэглэл аятай биш, номын санд сайхан ном ч байхгүй, амрагчид ч сэтгэлд тохирохгүй, эмэгтэйчүүд нь сонирхолгүй, одоогийн залуучууд эх захаа алдсан гэх мэтээр юм болгонд дургүйцлээ илэрхийлэх нь онцгүй.
Хүн болгоны залхуу хүртэл олон юм, ялангуяа хувийн амьдрал намтраа байн байн ярих, өвчин зовлонгоо тоочих зэргээр хэтэрхий чалчаа байхаас болгоомжилж явууштай. Өрөөнийхнөө унтуулахгүй даалуу, хөзөр шөнө орой болтол тоглохыг цээрлэвэл сайн. Зугаалж яваа юм уу, амарч суусан газраа элдэв хог новш тарихгүй, гарсан хогоо газар дор булчих хэрэгтэй. Мөн тэр ч байтугай зарим хүн модон дээр нэр, овгоо, бас бусад элдэв юм бичих сийлэх дуртай байдаг. Yүнийг тэвчүүштэй.