Хар нэрс идвэл нүдний хараа сайжирдаг.
Мэнгэр өвчтэй хүн уулын нэрсийг битүү саванд нэг аягыг ёотон, шар тостой хийгээд тогоотой усанд битүү жигнэж, уураг шиг болтол нь буцалгаад бүлээнээр нь ууна. Yүнийхээ дараа наранд толгойгоо халаахгүй хэвтвэл эдгэнэ.
Уушигны архаг өвчтэй хүн нэрс, чацаргана мэтийн жимсийг цагаан гүүний түүхий сүүнд хийж исгэн 15 хоног уухад бие мэдэгдэм сайжирдаг.
Нэрс нь ходоодны хүчил багадсан өнгөц үрэвсэл, ялангуяа гэдэс эвгүйцэх, элэгний үрэвсэл, үе мөчний хэрэх, бөөрний чулуу, арьсны өвчнүүдийн үед сайн эм болдог. Yүний тулд хоёр аяга буцалсан усанд цайны халбагаар 3-4 удаа хийж 4-5 цаг тавьж хандлан аяганы дөрөвний нэгээр өдөр 4-5 удаа ууна.
Мөн нэрс цусан суулга, гэдэсний хижиг, сахуугийн өвчин үүсгэгчийг үхүүлдэг учир цайны дөрвөн халбага нэрсний үрийг нэг аяга буцалсан усанд хийж тасалгааны халуунд 8 цаг байлгасны дараа бүтэн өдөрт нь багтаан уудаг.
Өтгөн хатдаг хүн шинэхэн нэрсийг удаан хугацаагаар хэрэглэхэд өтгөн хатахаа болино.