Саяхан болтол зүрхний шигдээс бараг л дан ганц эрчүүдийн өвчин гэх нь холгүй байсан. Гэтэл өнөө үед эмэгтэйчүүд эрчүүдийн ачааг үүрдэг болсноос хойш дэлхийн 5 эмэгтэй тутмын нэг зүрхний шигдээс тусдаг болжээ. АНУ-д зүрхний шигдээс эмэгтэйчүүдийн номер нэг алуурчин гэгдэх болжээ.
Зүрхний шигдээс тусч болзошгүй эрсдэлтэй бүлэгт юуны өмнө бизнесийн салбарт эрчүүдийн албан тушаал дээр ажилладаг эмэгтэйчүүд орно. Фирм компанийн ерөнхий захирлууд, хуульчид, санхүү хариуцсан дарга нар, үүн дээр ямар хүрээнд ажиллаж байгаагаас үл хамааран ажлын хэнхэгтэй эмэгтэйчүүд нэмэгдэнэ. Зарим хүүхнүүд долоо хоногт 80 цаг ажилладаг нь зүрхний шигдээс тус болзошгүй хүнд ачаалал, ажил дээрх таагүй явдал, хамт олны дунд үүссэн зөрчлийг илүү тэсвэртэй давдаг.
Гэнэт сул чөлөөтэй болсон 20 цагаа яаж үрэхэв? Ялангуяа ажлын хэнхэгтэй хүмүүс энэ асуудлаа шийдэхгүй бол хямралд орж, улмаар мэдрэлийн хэт ачаалал зүрхэнд нөлөөлнө. Жишээлбэл
1.Та цагтаа хооллох боломжтой боллоо. Хэрэв та өөрөө хоолоо бэлдэж, жор хайж олон, түүнийг өөрийнхөөрөө шинэчлэх, турших зэргийг тооцвол, мөн өдөрт 4-5 удаа бага багаар хоолловол энэ бүхэн нэлээд хугацаа авна.
2.40-өөс дээш настай эмэгтэй хүн хоногт 9 цагаас багагүй унтах ёстой.
3.Өдөр бүр, цаг агаар бороо шуургатай ямар ч байсан гадуур зугаал.
4.Дээр нь театр, кино, музей, үзэсгэлэн зэргийг, мөн зурагт байдгийг санаарай.
Ихэнх ажил хэрэгч хүүхнүүд өөрийн эрүүл мэндээ, зүрхээ хайрла гэхийг огт тоодоггүй. Тэд Миний зүрх эв эрүүл гэдэг. Иймээс тэдэнд зориулж тохой дэлгэрэнгүй бичье.
Ажлаа хийж байхад гэнэт цээжний зүүн талд хэн нэг нь зүүгээр хатгасан мэт өвддөг. Та өвдөхийг тэвчиж ажлаа үргэлжлүүлэн хийсээр байвал эрүү мэдээгүй болно, цээж хавчина. Дараа нь зүүн гар мэдээ алдаж, дотор муухайран хоолойд юм тулж ирнэ. Дараа нь гэртээ хариад эм тариа болж, түргэн дуудсан ч тус болох нь цөөн.
100 эмэгтэйн 70 нь ажил дээрээ зүрхний шигдээс болдог. Ажил дээрээс түргэн дуудахын оронд өөрсдийн эрэлхэг өөртөө итгэлтэй, хүчтэй эмэгтэй дүрээ хадгалж үлдэх гэж, тэгээд ч жаахан ядарса л гэж боддог учраас гэр лүүгээ явдаг. Yүгээрээ эмч нарын ажлыг хүндрүүлж өөрсдөө ч хэвийн амьдралдаа буцан орох хугацааг уртасгадаг.
Зүрхний шигдээс туссаны дараах үе эмэгтэйчүүдэд эрчүүдээс хүнд байдаг. Биеийн гэхээс илүү сэтгэл зүйн хувьд. Бараг бүх эмэгтэйчүүд хямралд ордог. Yүний үндсэн шалтгаан нь тэд өөрсдийн эмзэг сул доройг мэдэрч Би бусдаас эрүүл биш, бусдаас хүчтэй биш гэдгээ ойлгодог. Энэ тохиолдолд мэдээж мэргэжлийн сэтгэл зүйчид хандах хэрэгтэй. Түүний зэрэгцээ орчны хүүүсийн нөлөө их. Иймээс найз нөхөд, ойр дотны хүмүүс их халамжтай хандах, цаг хугацаа, хүч чадлаа зарцуулан хамтдаа зугаалах, ядаж зүгээр л харьцах зэргээр халамж анхаарал үзүүлвэл зохино. Тэдний үүрэг бол өөрийн эрүүл мэндийг анхаарах нь өвчтэй хүнд байтугай эрүүл, супер эмэгтэйд ч тун чухал гэдгийг итгүүлэх явдал.
Хэрэв дээр дурдсан бүх сэргийлэх арга хэмжээг авбал нэг байтугай зүрхний шигдээс болсон ч дараа нь бүрэн эдгэж болно. Эмнэлгээс гарсны дараа 1-1.5 сарын дараа эдгээр нөхцлийг мөрдөх юм бол эдгэрч, жинхэнэ эрүүл болсноо мэдэрнэ. Ер нь урьдчилан сэргийлэх талаар эртнээс санаа тавьсан нь дээр. Өвчин зовлонгийн өмнө үүд хаалга дэлгэхгүй байх хэрэгтэй. Yүний тулд эрүүл мэнд, амь насандаа нухацтай хандаж, өөрийгөө хуурахгүй бай. Та 40 настайдаа 30-тай юм шиг харагдаж байсан ч таны бие чинь хэдэн настайгаа хэзээ ч мартдаггүйг санаж яваарай.
Хэрэв таны зүрх өвдөж, хааяа амьсгаа давчдаж, хоолой бөглөх гээд дотор муухайрдаг бол миний муу өдөр, сайн унтаагүйгээс боллоо, ходоод өвдөөд байна гэхийн оронд хурдхан орондоо орж эмч дууд гэж зөвлөх байна.