Барууны сэтгэл судлаачид их сонирхолтой тоо баримт дурдаж байна. Хүүхдээ өсгөж хүмүүжүүлэхэд эхнэртээ тусалдаа эрчүүд тусалдаггүй эрчүүдээс 4-6 насаар урт насалдаг ба огт хүүхэдгүй эрчүүдээс 7-8 жил илүү амьдардаг.
Сэтгэлийн эерэг хөдлөл, биеийн ачааллын дүнд хүний бие организмд катехоламин даавар их ялгардаг. Залуу эхчүүдийн цусан дахь катехоламины хэмжээ хэвийнээс ямагт их байдаг. Яагаад гэвэл хүүхдээ арчилж халамжлах, хүмүүжүүлэх нь аятай таатай төдийгүй хүнд хөдөлмөр билээ. Эх хүн нярай хүүхдийгээ сэрэхэд сэрж, цуг эрүүл агаарт зугаалж, тоглож, халамжилж байдаг. Залуу эцэг эхчүүд болон саяхан өвөө, эмээ болсон хүмүүс аз жаргалдаа бялхан гэрэлтэж байдаг. Мэдээж ач, зээтэй болсондоо баярлаж байгаа тохиолдолд шүү.
Америкийн биологич Калиб Финч хархан дээр туршилт хийжээ. Хөгшин эм харханд катехоломин агуулсан эм өгөхөд урт насалдаг болсон төдийгүй заримд нь өндгөн эс ялгарч байв. Та ач үрсдээ санаа тавих тусам хөгшрөлт холдож, насаа уртасгах нь байна шүү. Тэд хэдэн настай байх нь хамаа алга. 5, 15, эсвэл 25 настай байсан ч таны хувьд тэд хүүхэд. Тэдэндээ хэрэгтэй учраас эрүүл мэнд, хүч чадлаа гамнаж яваарай.