Байнга нэг газраар бүү яв. Танд муу санасан хэн нэгэн ажиглан танд гай удаж магад.
Хаагуур, хаашаа явах гэж байгаагаа хэн хүнд бүү дэлгэ.
Машиндаа дохиолол тавиул.
Хэн нэгэн тань руу залган таны дотны нэг нэгэн чинь гэмтсэн, эсвэл эмнэлэгт байна гэх зэргээр утасдвал эхлээд та шалга.
Хэт содон хувцас бүү өмс.
Хэт их мөнгө биедээ бүү авч яв.
Бие хамгаалах урлагийн зарим нэг төрлөөр оролдвол танд илүүдэхгүй ба эрүүл мэнд, амь насанд тань өлзийтэй.
Зугаацаж цэнгэхдээ хэн нэгний төлөвлөсөн газар бүү оч. Тэнд видео камер байхыг үгүйсгэхгүй.
Хаашаа ч явсан нөөц замтай яв.
Хэн нэгний гэнэтийн бэлгээс болгоомжил. Хэт үнэтэй бэлэг, эсвэл боодолтой зүйл битгий ав.
Жолоочоо сайтар шилж сонго.
Мөрийтэй тоглох бол хүн ихтэй газар тогло. Хүн цөөн, олны хөлөөс зайдуу газар тоглоод хожсон ч, танд тэр чинээгээр аюултай байж магадгүй.
Утсаар ярихдаа хэнтэй ярих гэж байгаа, хэн болохыг эхлэн мэдэхийг хичээж бай. /Нэрээ яаран бүү хэл/
Өдрийн ажлын дэглэмээ хааяа нэг өөрчлөхийг хичээ.