Д.Трамп саяхан Гараа. Яавал баяжих вэ нэртэй ном хэвлүүлж үл хөдлөх хөрөнгөөр дагнан бизнес эрхлэхээр шийдсэн хүмүүст хэрхэн өмч хөрөнгөө арвижуулах талаар дараах арван зөвлөгөө өгснийг сонирхуулъя.
1.Өөртөө тохируулан хувцаслаж бай
Цагтаа би хямдхан хувцас худалдаж авсан хэмээн их л бахархдаг байв. 100 ам.доллараар авах юманд нэг мянгыг зарцуулах нь утгатай юм шиг санагддаг байлаа. 100 ам.долларын үнэтэй хувцас өмссөн гэдгийг хэн мэдэх юм гэж бодно. Гэвч аажимдаа энэ нь буруу гэдгийг би ойлгосон. Одоо бол би үнэтэй, чанартай хувцас авдаг бөгөөд түүнийгээ мөнхөд өмсөх мэт санагддаг. Миний мэдэхээс хямдхан хувцас дорхноо мууддаг. Хүний хувцас гэдэг бол ам нээж үг хэлэхээс урьтаж бидний тухай олон зүйлийг хэлж өгдөг.
2.Албаар бусдын дургүйг хүргэ
Мэдээллийг маш нарийн боловсруулж хамтран ажиллагчид чинь хэрхэн хүлээж авахыг харахын тулд албаар өдөөн хатгасан зүйл хэл. Таныг ер бусын зүйл хэлсний дараа хүмүүс хариу барихдаа бодож явдаг зүйлээ хэлэх болно. Жишээ нь би хурал дээр хүмүүсийн дургүй хүргэсэн шүүмжлэл хэлснээр хамтран ажиллагчид маань эсэргүүцэх үү, аялдан дагах уу гэдгийг харах болно. Энэ нь нөхдийгөө үнэлэх нэгэн сайн арга юм.
3.Өөрөө өөрийнхөө санхүүгийн зөвлөгч
Ихэнх хүн санхүүгийн зөвлөгч авдаг. Гэхдээ зөвлөгч нь эдгээр хүмүүсийг сүйрүүлж байсныг би нэг биш удаа харсан. Санхүүгийн зөвлөгчтэй байсан ч бизнесийн талаар бичдэг хэвлэлээс уншиж мэдсэн зүйл, өөрийн мэдрэмждээ найд. Хэвлэлд бичсэнийг уншсанаар та зах зээлд юу болж байгаа, ямар зөвлөгөө нь илүү болохыг аяндаа мэдрэх болно.
4.Хариуг нь барьж бай
Хэрвээ таныг үзэн ядаж байгаа бол та мөн л адилхан үзэн яд. Таныг доромжилсон бол та бүх чадал, хүчээрээ хариуг нь барь. Танд яаж хандана тэгж л хариул. Яасан ч итгэмтгий байж болохгүй. Ийм байх нь төдийлөн сайхан харагддаггүй гэдгийг би сайн мэднэ. Таны хамгийн сайн найз, эсвэл эхнэр чинь мөнгө рүү чинь дайрвал заавал хариуг нь барь.
5.Yснийхээ засалтыг анхаар
Миний үсний засалтыг хүмүүс байнга шүүмжилдэг. Энэ талаар The New York Times сонинд Маш хэцүү бүтээл бөгөөд уран барилгын шүүмжлэгч дээр дүгнүүлсэн нь дээр хэмээн бичсэн байдаг. Харин минийхээр бол үсний засалт маань давгүй. Гэхдээ энэ нь миний хамгийн давуу тал гэж би хэзээ ч хэлж байгаагүй. Надаас хиймэл үстэй юү гэж байнга асуудалгт би гайхдаг. Yүний хариулт гэвэл үгүй, би хэзээ ч хиймэл үс хэрэглэж байгаагүй.
6.Гар барихаас зайлсхий
Зарим хүн гар барилтыг итгэж, найдаж байгаагийн илрэл хэмээн ойлгодог. Харин миний хувьд бол эсрэг. Өвдсөн хүмүүс хүрч ирээд Ноён Трамп. Би таньтай гар баримаар байна гэж хэлдэг. Энэ бол нян халдварлах нэг зам гэдгийг бүгд мэднэ. Нэг удаа ийм юм болсон юм. Зоогийн газарт хажуугийн ширээнд сууж байсан хүн жорлон орж ирчихээд гараа сэгсэрч байснаа Ноён Трамп. Та бол агуу хүн. Тантай гарьж болох уу гэж хэлсэн. Энэ тохиолдолд би гараа өгөхөөр шийдсэн юм. Яагаад гэвэл би яарч байсан бөгөөд гар барихгүй бол надаас салахгүй гэдгийг нь мэдэж байсан.
7.Асуудлыг өөрийнхөө мэдрэмжээр шийд
Хөрөнгө оруулна гэдэг нэг хэсэг буюу бүлэг хүмүүсийн хийдэг ажил. Та нэр хүндтэй сургуулийн дипломтой байж болно. Гэхдээ мэдрэмжгүй бол дээшээ гарч, суудалдаа удаан тогтож чадахгүй. Ажилдаа мэдрэмжтэй байдаг хүмүүс үүнийгээ үгээр тайлбарлаж чаддаггүй. Гэрээ байгуулах хэрэгтэй юү, хэрэггүй юү гэдгийг мэдрэх мэдрэмж байдаг.
8.Yргэлж өөдрөг бай. Гэхдээ сүйрэл ирэхэд сэтгэл санааны бэлтгэлтэй байх нь чухал.
Хүнд амжилтад хүрэх, сүйрэх аль аль нь тохиодог. Энэ бүхнийг сэтгэл санааны хувьд бэлтгэлтэй байж давж гарна. Ямар нэгэн асуудал тулгарна гэдгийг мэдэж бэлтгэлтэй байсан тул би дэмий юманд хүчээ зарж, эвгүй байдалд ороогүй. Унаталтад орж, амжилт олохын аль аль нь тохиолдох нь гарцаагүй. Би бол маш болгоомжтой хүн. Гэхдээ энэ нь гутранги үзэлтэй хүн гэсэн үг биш. Yүнийг аливааг бодитойгоор бөгөөд өөдрөгөөр харах хэмээн нэрлэнэ.
9.Yл ажиглагдах юмыг ч анзаарч бай
Хийж буй зүйлийнхээ нарийн ширийн юмыг анзаарахгүй бол эвгүйтэхийн шинж. Нэг нэртэй мэс засалч өглөө гүйж байхдаа мэс заслаа хэрхэн хийх талаар нэг нэгэнгүй бодож байжээ. Тэрээр ямар бэрхшээл гарч болзошгүйг хүртэл маш нарийн тооцоолжээ. Аливаа жижигхэн зүйлийг анзаардаг байхын тулд заавал мэс засалч байх ёсгүй.
10.Хуримын гэрээ байгуул
Хэрвээ би хуримын гэрээ байгуулаагүй бол энэ номыг маш их юмаа алдсан хүн бичих байсан. Ивонны шүүхэд өмгөөлөгчөө авчрахын тулд машин хэрэгтэй болно. Аз болоход би хуримын гэрээ байгуулчихсан байсан.
Тав дахь удаагаа хуримаа хийх гэж байсан найз маань Би энэ бүсгүйд маш их хайртай тул хуримын гэрээ байгуулах шаардлагагүй гэж надад ярив. Нэг жилийн дараа тэр эхнэрээсээ салж нэлээд бэрхшээлтэй тулгарсан. Yүний дараа тэр үнхэлцгээ хагартал айсан гөлөг мэт болсон байсан. Тэр үед би нэлээд зориг гаргаж чи хожигдсон гэж хэлж билээ.