Гараар угаах тохиолдолд угаах зүйлээ 8-10 цаг бүлээн усанд норгож дэвтээх хэрэгтэй.
Гараар юм угаахдаа их усанд хийж хөөсөртөл нь сайн савандаж, ялангуяа бохирдсон хэсгийг дахин дахин савандаж нухчих хэрэгтэй.
Ор дэрний цагаан хэрэглэл, нүүр гарын алчуурыг хамгийн сайн өнгө оруулах арга бол буцалгаж угаах арга байдаг. Урьтаж сайн дэвтээсэн бол 30 минут буцалгахад хүрэлцээтэй.
Угаалгын машинаар юм угаахдаа урьтаж дэвтээхгүй байж болно.
Аливаа зүйлийг угаахын өмнө ялгалт хийх зайлшгүй хэрэгтэй байдаг. Ж нь цагаан эдлэл, хувцастай хамт юм уу, өөр өнгийн эдлэлийг угааж болохгүйтэй адил зузаан зүйлтэй хамт тортой, нимгэн хэврэг эдлэлийг хийж мушгихгүй шүү дээ.
Эцэст нь аливаа эдлэлийг сайн угааж сайхан өнгө оруулъя гэвэл цэвэр усаар сайтар булхах хэрэгтэй. Угаалгын бодис, хир буртагны үлдэгдлийг булхаж л арилгана. Цагаан эдлэлийг тунгалаг ус гартал нь, өөрөөр хэлбэл зөөлөн усаар бол 4-5 удаа, хужир, давслаг усаар бол 2-3 удаа зайлж булхах шаардлагатай дутуу үнэлж болохгүй.