Эр бэлэг эрхтэнд юм углан өвчин авахаас сэргийлэх аргыг МЭӨ 1350 оноос, жирэмслэлтээс сэргийлэх аргыг МЭ 1700 оноос хэрэглэх болжээ. Харин энэ хоёрын аль алинаас сэргийлэхийн тулд 1930 оноос резинэн /латекс/ бэлгэвчийг хэрэглэх болсон байна. 1960-аад оны үеэс жирэмслэлтээс сэргийлэх олон янзын арга нэвтэрсэн тул бэлгэвчийн эрэлт хэрэгцээ нэг хэсэгтээ буураад хорьдугаар зууны сүүл үед ХДХВ болон БЗДХ-ууд дэлхий даяар тархсанаас болж дахин өсчээ. Дэлхий дээрх 15-59 насны бүх эрэгтэйчүүдийн бэлгэвчийн хэрэгцээ наад зах нь 24 тэрбум гэсэн тооцоо байдаг.
Бэлгэвчийн чанарыг шалгасан тухай тэмдэг бүхий бэлгэвчийг ашиглах нь илүү сайн байдаг. Жишээлбэл Англи улсад Кайт гэсэн тэмдэг бүхий бэлгэвчийг хүмүүс эрж хайдаг бгөөд Европын бусад оронд Европын СЕ гэсэн шинэ тэмдэг бүхий бэлгэвчийг хэрэглэх болжээ. Тиймээс бэлгэвчийг хэрэглэхийнхээ өмнө түүний боодол дээр бичсэн мэдээллийг уншиж, танилцаж байгаарай. Хаймран бэлгэвч хамгийн аюулгүй байдаг. Ихэнх бэлгэвч нь тослогдсон, задалж углахад хялбар байдаг. Зузаан тсолгоо нь хамрыг гэмтээж болох учраас нефтнээс бэлтгэсэн тос, вазелин болон бусад төрлийн тосон суурьтай тосоор бэлгэвчийг тослоход тохиромжгүй. Харин усан уусмал хэлбэрийн тослох бодис хэрэглэх нь зүйтэй. Шулуун гэдсээр хурьцах үед илүү бат бөх бэлгэвч хэрэглэх нь зүйтэй.

Бэлгэвчийг хэрэглэхдээ дараах зүйлүүдээс болгоомжил
Бэлгэвчтэй болгоомжтой харьцах хэрэгтэй бөгөөд шүдээрээ боодлыг задлах, хумс, бөгжөөрөө урж гэмтээх
Шодойг сугалах үед бэлгэвч үтрээнд мултарч үлдэх
Эмэгтэй бэлгэвчийг хэрэглэж байхад шодой бэлгэвчийн гадуур орж, үтрээнд үрийн шингэн асгарах
Бэлгэвчийг халуун, гэрэлтэй, чийгтэй газарт байлгаснаас шаардлага хангахгүй болгох
Бэлгэвчийг тослохдоо тосон суурьтай тослогооны бодис хэрэглэснээс бэлгэвч гэмтэж урагдах
Хурьцал эхэлснээс хойш бэлэг эрхтэнд бэлгэвч углах

Бэлгэвчийг зөв хэрэглэх дараалал
1.Бэлгэвчийн ашиглах хугацааг шалгана.
2.Бэлгэвчийг уутнаас гаргахдаа урж гэмтээхээс болгоомжилж зориулалтын сэтэрхийгээр нь задална.
3.Чангарч хатуурсан шодойн тээрхийг хойш нь шамлаж, бэлгэвчийг шодойн толгой дээр тавина.
4.Бэлгэвчийн үзүүрийг чимхэж үрийн шингэн орох зайг үлдээнэ. Бэлгэвчийн хуйлаасыг тэнийлгэн шодойн уг хүртэл углана.
5.Дур тавьсны дараа бэлгэвчийг шодойн уг хэсгээс барин шодон хөвчрөлт бүрэн буурахаас өмнө үтрээнээс гаргана.
6.Yрийн шингэнг гадагш асгалгүйгээр бэлгэвчийг сугалж ав.
7.Хэрэглэсэн бэлгэвчийн бүрэн бүтэн байдлыг шалгаж хогийн саванд хаяна.

Эмэгтэй бэлгэвч
Энэ нь 17 см урттай, бат бөх, сул чөлөөтэй нийлэг уут бөгөөд хоёр үзүүртээ уян хатан цагирагтай. Нийлэг эд нь эрэгтэй бэлгэвчийг хийхэд ашигладаг латексийг бодвол уян хатан, нимгэн боловч бат бөх чанартай байдаг. Мөн дулаан сайн дамжуулдаг тул мэдрэмж бууруулдаггүй. Элдэв үнэргүй бөгөөд ямар нэгэн харшил үзүүлдэггүй давуу талтай. Умай, үтрээ, гадна бэлэг эрхтнийг бүхэлд нь халдвараас хамгаалдаг.
Эмэгтэй бэлгэвч нь хавьтахаас өмнө хэдэн цагийн өмнө байрлуулж болох учир бэлэн эрхтэн заавал хөвчирсөн байх шаардлагагүй. Зориулалтын амьтны бус гаралтай силикон суурьтай тосолгооны бодисоор тослогдсон байдаг.