Эмэгтэй хүн үйлчлэгчтэй шууд харьцахгүйгээр, харин хамт яваа эрэгтэй хүн нь түүний хүсэлтийг биелүүлж заншжээ. Хэдийгээр заавал биш боловч эмэгтэй хүнд анхааралтай хандах нь эрэгтэй хүн санах л зүйл юм.
Чанга инээх, чанга яриа, их зангах нь эвгүй сэтгэгдэл төрүүлнэ.
Ширээн дээр тохойлдож, түүнчлэн шанаагаа тулж болохгүй. Ширээний ирмэгт зөвхөн сарвуугаа л тавьж болох юм.
Хооллох үедээ цэх сууж аль болох бага тонгойж, тохойгоо биедээ ойрхон байлгаж гарын аажим хөдөлгөөнөөр хоолоо идэх хэрэгтэй. Толгойгоо гудайлгах бус, харин халбага, сэрээгээр хоолоо авч идэх нь зохимжтой.
Амны алчуурыг өвдөг дээрээ тавина. Хэрчсэн алхыг хутгаар огтолж болохгүй, гараараа хугалж авна. Шөл буюу шүүсэнд талх дүрж идэх нь зохимжгүй.
Яаралгүй тайван хооллох бөгөөд хэзээ ч өндөр дуугаар ярьж болохгүй. Халтар хундага муухай харагдах учраас хундага өргөхийнхөө өмнө амаа арчих хэрэгтэй.
Хооллох үедээ хутга, сэрээгээ ширээний бүтээлгэн дээр тавьдаггүй, харин тавган дээр зөрүүлж тавина. Хооллосны дараа тавган дээрээ зэрэгцүүлж тавина.
Яс, жимсний яс болон хоолны бусад үлдэгдлийг ширээний бүтээлгэн дээр хаяж болохгүй. Хоол идсэн тавагныхаа захад тавина.
Бүсгүйчүүд эхэлж хооллох ба сүүлд дуусгавал зүйтэй гэдэг. Ингэснээр хамт яваа эрэгтэй хүнд тайван хооллох боломжтой.
Тавгандаа ямар ч зуушнаас нэгмөсөн овоолон хийж авахын оронд бага, багаар 2 дахин хийж авбал зүйтэй гэдгийг мартаж болохгүй.
Хооллохдоо тамшаалж, нүүр амаа эвгүй хөдөлгөж, үмхлэн ховдоглон залгих нь зохимжгүй. Амаа жимийж, огт чимээгүй, бага багаар үмхэлж, тайван аажим зажилж идвэл зохино.
Эмэгтэй хүнийг хооллож дуусаагүй байхад бүжигт урих нь нийцгүй.
Олон нийтийн газарт шүдээ чигчлэх хэрэггүй. Шүднийхээ завсрыг хэлээрээ чигчийлэх нь зохимжгүй байдаг.
Хундагыг бялхтал дүүргэдэг ёсгүй.
Ширээний араас түр босож явах хэрэг тохиолдвол ам дүүрэн юмтай босож, явдал дундаа зажилж явах нь зохимжгүй.