Сайхан хоолой бол тушаал дэвшиж, амжилт олох таатай хөрс төдийгүй танд итгэлтөрүүлж, өмнө тань хаалттай байсан хаалгануудыг нээж өгдөг. Аялгуутай, намуун, тайван. Ийм л хоолой бусдыг байлдан эзэмдэж, ялалтанд хүрдэг. Чихарсан, гуншаа дуу өрсөлдөөнд шахагддаг.
Та сэтгэлд үлдэм яруухан өнгө аясаар ярихыг хүсч байгаа нь лавтай. Тэгвэл өөрийнхөө дуу хоолой, түүнийг согогийг олж тогтоогтун. Yүний дуу хураагчдаа шинэхэн хальс хийгээд ямар нэг баяр баясгалантай, бас сэтгэл гонсойлгосон тохиолдлынхоо тухай яриарай.
Одоо та өөрийн яриаг бичсэн бичлэгийнхээ тусламжтайгаар дуу хоолойгоо засахыг хичээ. Ийм засварыг 4 хэмжүүрээр дүгнэж хийдэг.
1.Өнгө. Таны хоолойн өнгө хэт өтгөн, хүнгэнэсэн бол түүнийг шингэлэхийг хичээ. Хэрэв шингэн /нарийн/ бол эсрэгээр хийгээрэй. Yүний хамт шахагдсан, давчуу, нэгэн хэвийн байна уу гэдгийг хянах хэрэгтэй.
2.Аяз. Хэтэрхий түргэн яаруу байна уу, удаж түгдэрч байна уу гэдгээ хянана.
3.Илэрхийлэл. Ямар мэдрэмжийг илэрхийлж байна? Баяр баясал, аймшиг, уйтгар, сонирхол уу? Эсвэл сэтгэл ханамж, итгэлгүй юм уу, нөхөрсөг байдлыг уу?
4.Сонсоц. Гуншиж байна уу, төгсгөлөө залгиж байна уу? Нэгэн хэмээр уйтгартай ярьж байна уу? Ойлгомжтой байж чадаж байна уу гэдгээ хяна.
Энэ бүхнийг сайтар сонсож, тогтоогоод олон дахин бэлтгээрэй. Энэ дагуу хичээллэвэл та ямар ч эвгүй дуу хоолойг засч чадна. Сайхан дуу хоолой араасаа үргэлж амжилт, бусдын гайхан биширсэн сэтгэлийн догдлолыг дагуулж байдаг.
Зөвлөгөө
1.Нимбэгтэй бүлээн цай. Энэ бол таны хоолойд уян зөөлөн өнгийг авчрах хосгүй ундаа. Уран илтгэгчид дуу хоолойнхоо тааламжтай байдлыг хадгалахын тулд хэдэн дусал нимбэгний шүүс дусаасан, тасалгааны хэмтэй усыг тогтмол хэрэглэдэг. Мөн бүлээсгэсэн таргийг дуурийн дуучид байнга уудаг байна.
2.Та ямар нэгэн үлгэр юм уу, харилцан яриа ихтэй зохиолыг чанга дуугаар уншин дуу хураагуурт бичиж ав. Ингэхдээ хоолойныхоо өнгийг өндөр нам болгон, аймшигтай, баяр баясгалантай, түгшүүртэй үйл явдлуудад нь тохируулан сэтгэлийн хөдөлгөөнөө дуу хоолойгоороо илэрхийлэхийг хичээгээрэй. Ингэвэл өөрийн дуу авианы сэтгэл хөдлөл дундах сул талыг сонсож, засах боломж нээгдэнэ. Энэ бол хамгийн гайхамшигтай нөлөө үзүүлж чаддаг амьд дасгал юм.