2.Өөрийгөө тань
Та өөрөөсөө аль нэгэн сайхан зүйлийг олж харахыг хичээ. Толинд хар, сайхан хувцсаа өмс, өөрийнхөө сайхан сайхан явсныг сана. Өөрийгөө ямагт сайхнаар бод. Ингэхэд таны бухимдал тайлагдана.
3.Ажлаа хуваарил, төлөвлө
Та их ядарсан, ажил чинь бүтэл муутай, эсвэл яарч сандрах үедээ хийж буй ажлаа эргээд нэг төлөвлө, хуваарилалт хий. Одоо онц чухал биш ажлаа түр хойш нь тавь. Yнэт цагийг үр ашигтай өнгөрөөхийг хичээ.
4.Та их ачаалалтай байсан ч өдрийн цай уух, завсарлага амралтаа эдлэхийг хичээ
Тавтай үдийн хоол ундаа идэж уусны дараа 15-20 хором, бүр болохгүй бол хоромхон зуур ч гэсэн унтаад авахыг хичээ.
5.Дасгал хөдөлгөөн хий
Хэт ачаалал, ажил хөдөлмөр, аливаа зүйлтэй холбоотой сэтгэл бухимдлын үед биеийн чөлөөт хөдөлгөөн хий.
6.Хамт олонтойгоо бай
Сэтгэлийн тааламжгүй үедээ та сайхан дуу хөгжим сонсох, дуулах, бүжиглэх, шүлэг унших, уран зохиол ярилцаж өөрийнхөө болоод бусдын сэтгэлийг өөд нь тат.
7.Инээмсэглэж яв
Сайхан инээмсэглэл хүний сэтгэлийг байнга сэргээж байдгийг санаж та өөрөө дандаа инээмсэглэж бас бусдыг инээлгэж яваарай.
8.Бусдын зовлонг хуваалц
Сэтгэлээр бухимдаж, айж түгшсэн хэн нэгнийхээ үгийг анхааралтай сонсож зөвлөгөө, туслалцаа үзүүлэхийг хичээ.
9.Хамтран ярилц
Хамт олон, гэр бүлийнхэн, ах дүү нартайгаа хамтран ярилцаж төлөвлөгөө, шийдвэр гаргаж байх нь сэтгэлийн бухимдлаа тайлах хамгийн сайн арга .
10.Биеийн тамир, спортоор хичээллэ
Та байнгын спортоор хичээллэж байхыг бод. Спортоор хичээллэх нь сэтгэл санааг тайвшруулж бие махбодийн чилээг арилгаж өгнө.
11.Дуу хөгжим сонирх
Та сайхан дуу хөгжим сонсох, өөрөө болон хүмүүстэй хамтран дуулах, хөгжимдөх нь хийморийг сэргээж сэтгэлийг тайвшруулна.
12.Мэдрэхүйг сайжруул
Хэт их ачаалал, сэтгэлийн тавгүй үед биедээ иллэг хийлгүүлэх нь сэтгэлийг тайвшруулан биеийг чилээг гаргана.