Хүний хөлийн улаас ташаа, гарын сарвуунаас мөр хүртэл гүйх хүчилтөрөгч, тэжээлийн бодисоор ядмаг хураагуур судсанд өөдөө гүйж буй судсыг эргэж доош гүйлгэхгүй байх зориулалттай хавхлагууд байдаг. Ер нь цусныхаа эргэлтийг сайжруулахын тулд хүн байнгын идэвхтэй хөдөлгөөнд амьдрах нь чухал юм.
Yүнтэй уялдан хоол тэжээлээ зохицуулан боловсруулах эрхтэн байдгийг мэднэ. Гэвч хоол тэжээлийн дэглэм тухайн хүний амьдрах нөхцөл байдлаас шалтгаална. Жишээлбэл эртний хүмүүс дан ганц мах, байгалийн гаралтай хүнс тэжээлийг хэрэглэж байсан бол өнөө үед байгалийн бус гаралтай бүтээгдэхүүнийг хэрэглэдэг болсныг анзаарах хэрэгтэй юм. Орчин үеийн ахуй амьдралаас шалтгаалан хүнс тэжээлийн төрөл олширсон бөгөөд архи, тамхи бусад зүйл хоол боловсруулах замын хямралд хүрэгж байгааг анхаарахад илүүдэхгүй.
Мөн байнгын идэвхтэй хөдөлгөөн суларсан тул хүмүүсийн энерги зарцуулалт багассан. Хоол тэжээлээр дамжуулан авч байдаг энергийн хэмжээ зарцуулалтаас хэтэрч таргалах, өөхлөх байдал илэрч үүнээс үүдэн өвчлөлт эхэлж нас богиносож байна. Хэдийгээр байх ёстой жин нь хэвийн мэт боловч хэмжээгүй их идсэнээс бодисын солилцоонд өөрчлөлт орж байгааг мэргэжилтнүүд судалж тогтоосон байна.
Мөн хоол ундаа тохируулж идэх нь эрүүл, урт удаан наслахын үндэс болдог гэж эртний мэргэд зүгээр нэг сургаж хэлээгүй бөгөөд Өглөөний хоолыг өөрөө ид, өдрийн хоолыг найзтайгаа хуваа, оройн хоолыг дайсандаа өг гэж бичиж үлдээсэн нь амьдрал дээр нотлогдож байна. Ингээд хоол хүнсийг хэрхэн хэрэглэж болох талаар эрдэмтний дэвшүүлсэн онолыг толилуулж байна.
Нүүрс ус, уургийг боловсруулахад олон төрлийн фермент ходоодноос ялгардаг. Нэг нь шүлтлэг, нөгөө хүчиллэг орчинг шаардана. Хүний биед нүүрс ус 1 цаг, уураг 2 цаг болж байж шингэдэг байна. Хэрэв уг хоёр бодис адил хэмжээгээр ходоодонд орвол 12 нугалаа гэдсэнд орсноор давсны хүчил илүүднэ. Илүүдэл хүчлийг саармагжуулж хүчиллэг орчин бий болгохоор нойр булчирхай болон элэг эрчимтэй ажиллана. Ингэснээр давсны хүчил багасч уургийг задалж чадахгүйд хүрнэ. Yүнээс үүдэн бие организм давсны хүчлийг нэмж шаардах бөгөөд хий дэмий эрчим хүч алдахад хүрнэ. Энэ байдал олонтаа давтагдвал шүлтлэг байдлын оронд хүчиллэг ихэсч цусан дахь хүчил шүлтийн тэнцвэр алдагдаж, улмаар бодисын солилцоо алдагдаж биеийн эсэргүүцэл сулрахад нөлөөлдөг байна. Ийнхүү холимог их хэмжээний хоолыг цаг дэглэмгүй хэрэглэвэл олон өвчин үүсэхийн үндэс болдог байна.
Ер нь хоол тэжээл, хүнсний зүйлийг дангаар нь хэрэглэх нь зүйтэй ажээ. Жишээлбэл, хэт чихэрлэг болон давстай хоол, хүнсийг нэг дор идэхгүй байх. Мах, хиамыг хольж идэх, халуун хоолыг архи, шар айрагтай хольж хэрэглэх зэрэг нь хоол боловсруулах замын үрэвсэлд хүргэдэг байна. Хоол хүнсийг дангаар нь салгаж хэрэглэсэн хүмүүсийн чадвар долоо хоногийн эцэст 50 хувь, сарын дараа 165 хувь болж нэмэгддэгийг хоол судлаачид тогтоосон байна. Гэхдээ хүмүүс хоол тэжээлийн бүтээгдэхүүнийг дангаар нь бага хэмжээгээр 2-3 цагийн зайтайгаар хэрэглэж сурвал элэг цөсний ажиллагаанд сайн нөлөө үзүүлдэг байна. Хэрвээ бага багаар олон дахин идэх боломжгүй бол ходоодноос хүчил шүлт ялгаруулж боловсордог зүйлийг тус тусад нь нийлүүлж идэх ба аль алинд нь нөлөөгүй гурав дахь хүнсний зүйлийг хэдийд ч хэрэглэж болно.