Энэ эрхтний булчирхайлаг хэсэг нь эрэгтэй хүний үрийн амьдрах чадварыг тогтоон барьж үрийн шингэн буюу салайтай нийлж шүүрэл ялгаруулах үүрэг гүйцэтгэдэг. Харин булчингийн хэсэг нь шээс салай хоёрыг холилдуулахгүй барьдаг. Түрүү булчирхай нь давсагны доод талд шээсний сувгийг ороож байрладаг. Бэлэг эрхтнээр дамжиж үр, шээс хоёрыг гаргадаг сувгийг шээсний сүв буюу уретра гэж нэрлэдэг. Түрүү булчирхай нь бэлгийн бойжилтын үед хэвийн хэмжээндээ хүрч самар шиг болдог. Энэ нь 50 наснаас хойш дахин сунах боловч үүнийг хэвийн үзэгдэл гэж үздэг. Цаашдаа суналт зогсолтгүй үргэлжилбэл хоргүй хавдар /аденома/ үүсэх бөгөөд хэрэв томорсоор байвал шээсний сүвийг боогдуулах аюулд хүргэнэ. Хэрэв шээсний сүвийг боогдуулбал шээхэд зовиуртай байх бөгөөд ойр ойрхон олон дахин шээх, дусагнах, цустай шээх зэрэг байдал илэрнэ.
Харин шээх ажиллагаа хүндэрч байвал хавдар томорч байгаагийн шинж юм. Yүнээс үүдэн бусад эрхтний системийн ажиллагаа алдагдана. Шээсний сүв улам нарийсна. Давсагны ажиллагаа суларч ачаалал ихсэх бөгөөд улмаар давсаг өвчилснөөс бөөр муудна. Мөн нурууны доод тал бэлхүүсээр үе үе өвдөх буюу нуруу хөших, суудлын мэдрэл дагаж өвдөх байдал илэрнэ.
Түрүү булчирхайн үрэвсэл
Түрүү булчирхайн үрэвсэл буюу простатит өвчин нь шэсний сүвийн түрүү хэсэг давсаг үрэвсэж өвчлөх шалтгаан болно. Түрүү булчирхайн хэсэгт чинэрч өвдөх бөгөөд шээхэд бэрхшээлтэй болох, шээс хүрсэн ч гарахгүй байх, халуурч чичрэх байдал илэрнэ. Энэ нь гол төлөв сэтгэл санааны хямралтай байдал, мансуурах бодисын хольцтой эм ууснаас сэтгэцэд нөлөөлөх, биеийн хүчний хүчтэй дасгал хийж байснаа гэнэт орхисон болон бусад хүнд хөнгөн өвчний улмаас биед зовиур шаналгаа үүснэ.
Түрүү булчирхайн хурц үрэвсэл
Энэ нь ямар нэг нянгаар үүсгэгдэх хурц халдварт өвчин юм. Өвчин үүсгэгч нян нь санаандгүй байхад шээсний сүвээр дамжин биед нэвтрэн орж түрүү булчирхайг үрэвсүүлдэг. Энэ нь эхлээд шээхэд зовиуртай байх бөгөөд дотор муухайрч ханиад хүрсэн мэт бие тавгүйтэж бие чичирч халуу оргиж огиулна. Яаралтай эм эмчилгээ хийлгэх шаардлагатай.
Түрүү булчирхайн архаг үрэвсэл
Түрүү булчирхайн архаг үрэвслийн үед шээхэд хорсох байдал илэрнэ. Удаан хугацаанд үргэлжлэх боловч халуурах, чичрэх байдал ажиглагдахгүй. Энэ нь шээсний замын халдварт үрэвсэлт өвчин юм. Өвчний үед хүчтэй антибиотик уух буюу өдөрт 2-3 удаа бүлээн устай ваннд орох, биеийн тамирын хориогүй дасгал хийж болно. Энэ өвчин цааш хүндрэхэд сэтгэл санааны хямрал их нөлөөлдөг байна.
Түрүү булчирхайн зогсонги үрэвсэлт өвчин
Өвчтөний бэлэг эрхтний хавиар хорсож өвдөх буюу ойр ойрхон шээс хүрэх байдал илэрдэг. Мөн бэлэг эрхтнээс цэхэр цагаан өнгийн юм гоожих байдал ажиглагдана. Өвчний шалтгаан нь бэлгийн харьцаанд удаан хугацаанд ороогүй байснаас шээсний сүвэнд удсан үрийн шингэн гадагшилж байдаг. Харин уг цэхэр шингн гарах үеэр давсаг чинэрч шээс гоождог байна. Уг өвчин гэр бүлгүй гоонь эрчүдэд ихэвчлэн тохиолддог. Уг өвчинд хүчтэй эм хэрэглэх болон халуун ваннд орох шаардлагагүй. Харин зохиомлоор дур тавиулж болно.
Yрийн шингэн цустай гарах
Бэлгийн харьцааны үед гарах шингэний хамт цусархаг үйл ажиглагдвал үрийн уут үрэвссэнтэй холбоотой юм. Мөн удаан хугацаанд бэлгийн харьцаанд ороогүй эрэгтэй хүнд бэлэг эрхтний доторхи хялгасан судас хагарснаас хурьцлын үед цусархаг зүйл гарах нь байдаг. Энэ нь хуримтлагдсан үрийн шингэнийг гэнэт задалсантай холбоотой. Yрийн шингэнд цус байгааг тодорхойлох сайн арга нь зохиомлоор үрийн шингэнийг гадагшлуулах явдал бөгөөд түүнд цус байх нь ажиглагдвал хорт хавдрын шинж биш болов чолон удаа давтагдаж байвал өвчин хамгийн хүнд шатандаа орж, улмаар хавдар үүсэх шинж бүрдэж байна гэсэн үг юм. Иймд яаралтай эрчимт эмчилгээ хийлгэх нь цаг хожих болно.
Түрүү булчирхайн үрэвсэлт өвчний үед барих дэглэм
Хувь хүн эрүүл ахуйн дэглэмийг нарийн чанд баримтлах ёстой.
-Байнга зөөлөвчгүй сандал дээр суух хэрэгтэй
-Чийглэг хүйтэн нөхцөлд удаан байх шаардлагагүй
-Машин болон дугуйгаар олон цаг давхих хэрэггүй
-Архи дарс, халуун ногоо, кофег хориглоно
-Бэлгийн замбараагүй харьцааг цээрлэ
-Хоёр цаг тутамд шээх ёстой
Түрүү булчирхайн үрэвсэлт өвчнийг эмчилгээнээс гадна ургамлын гаралтай эмээр эмчилдэг. Хэрэв эмийн ургамлаар эмчлэх болбол бие эрхтний үйл ажиллагаа хэвийн байх шаардлагатай.
Харин түрүү булчирхайн үрэвслийн үед
-Аль болохоор биеийн булчингаа сулруулж бай
-Цэвэр ус ахиу уу. Хүйтэн шар айраг огт ууж болохгүй.
-Маш тайван хооллож бай. Хоол хүнсэндэ эшинэ ногоо жимс, далайн ургамал түлхүү хэрэглэ. Бие организмын эрдэс тэжээллэг бодисын хувийн жинг нэмэгдүүлж, хүний биеийн эсэргүүцлийг нэмэгдүүлснээр эмчилгээг үр дүнтэй болгоно.
-Ургамлын үр нь уг өвчнийг бүрэн анагаах эм болдог. Ялангуяа наранцэцэг, хулууны үр цөмөх маш сайн. Учир нь цайр давсаар элбэг бөгөөд хүний дотоод эрхтний агаар шүүгчийн үүрэг гүйцэтгэдэг нь түрүү булчирхайн ачааллыг зайлуулж давсагт байгаа шээсний үлдэцийг багасгана.
-Амин дэм, эрдэс бодис ихээр агуулагдсан 800 мг /витамин-Е/ токоферол, 400-600 мг кальци зэргийг өдөр бүр уух хнэрэгтэй. Түрүү булчирхайн тус газар болон хошного, хуухнагийн хооронд халуун, хүйтэн жин тавьж бай. Хүйтэн жин тавихдаа мөсний хэлтэрхийг уутанд хийгээд өвчтэй байгаа цэг дээр тавина. Халуун, хүйтэн жинг солбиулж тавих бөгөөд халуун жинг нэг удаа 4-5 минут, хүйтэн жинг нэг удаа тавихдаа 2 минутын хугацаатай тавина. Энэ нь зовиур шаналгаа, өвчнийг арилгахад тустай.
-Бие хөнгөрүүлж тайвшруулах үйлчилгээтэй ургамлын ханд болон цай уух нь бие организмыг чангаруулахаас гадна цусны эргэлтийг түргэсгэж нянгийн эсрэг үйлчилгээ үзүүлнэ.