Yүнд сувилгаа хийлгэж байгаа хүнийг хөдөлгөөний дутагдалд оруулахгүй байлгах, хувийн ариун цэврийг сахиулах, зөв хооллох, сэтгэл санааны хэвийн байдлыг хангах, эрүүлжүүлэхэд чиглэгдсэн үйл ажиллагаа ордог.

Хэвтрийн өвчтөний хооллолт
Зорилго Хэвтрийн өвчтөнд өгч байгаа хоол нь биеийн эсэргүүцлийг сайжруулж, өвчлөлөөс урьдчилан сэргийлэх, өвчлөлийн эдгэрэлтийг хурдасгах, амин дэмийн дутагдлаас урьдчилан сэргийлж, биеийн жинг бууруулахгүй байх зорилготой.
Өвчтөнд өгөх хоол нь бантан, зутан, сүү, сүүн бүтээгдэхүүн, төмсний нухаш, жимсний шүүс, амин дэмээр баялаг хоол өгнө.

Өвчтөнийг хооллох арга
Амьсгалын замаар хоол , тэжээлийн зүйл орохоос урьдчилан сэргийлж өвчтөнийг хагас суугаа байрлалд тавтай суулгаж хооллоно. Хоолны дуршлыг ихэсгэх зорилгоор гарыг угааж амыг усаар зайлуулж, хэлний өнгөрийг хусч, өнгө үзэмжтэй, шингэц сайтай, амт чанартай хоолоор хоёр цагийн зайтай ойр ойрхон хооллоно.

Буруу хооллосноос гарах хүндрэл
Шингэц удаан, уураг, өөх тостой, өндөг, мах, хиам, халуун ногоотой шарсан хуурсан хоол өгснөөс ходоодны үйл ажиллагаа хямрах, амьсгалын зам бөглөрөх, судас хатуурах, өвчлөлийг түргэсгэх аюултай.

Хэвтрийн өвчтний хувцсыг солих
Зорилго Хиртэх, хөлс болж норох, нуралт, цооролт үүсэх, сэтгэл санаатавгүй болохоос урьдчилан сэргийлэх зорилготой.
Хэвтрийн өвчтний хувцас нь чийгийг өөртөө шингээдэг, сэрүүн сул чөлөөтэй, халууцуулахгүй, үрэхгүй зөөлөн даавуун материалтай байх шаардлагатай.

Хувцас солих арга
Хувцсыг дээрээс нь эхэлж өвчтний цамцны араас татаж толгойг гаргаад, гарыг нь суллаж тайлна. Жишээ нь цус харвалттай хүний хувцсыг тайлахдаа эрүүл гар талаас нь тайлаад, толгойг гаргаж харвалттай гарыг сүүлд нь гаргана. Мөн өмсөхдөө харвалттай талаас нь эхэлж өмсүүлнэ. Хувцсыг солихгүй удсанаас гарах хүндрэл нь хир хөлс үнэртэх, хөдөлгөөнд саад болох, үрчийж удсанаас цооролт, холголт үүссэнээс өвчтөний сэтгэл санаа тавгүй болно.

Хэвтрийн өвчтөний цагаан хэрэглэл солих
Зорилго Өвчтөний цагаан хэрэглэл цэвэр цэмцгэр байх нь өвчтөний таатай орчинг бүрдүүлж сэтгэл санаа тайван, нуралт, цооролт үүсч, халдвар орохоос сэргийлэх зорилготой.
Өвчтөндөө цагаан хэрэглэл солихыг ойлгуулаад, солих цагаан хэрэглэлээ бэлдэж тавьсан байна. Өвчтөний хөнжлийг сөхөж өвчтөний бие оогуур хоёр гараа хийж өөр лүүгээ болгоод бохир хэсгийгхуйлж нөгөө талаас нь цэвэр даавуу тэнийлгэж тавиад мөн хөнжлөө эсэрг тал руугаа болгон хоёр гараа хийж өргөөд цэвэр даавуун дээр гаргаж бохирлогдсон даавууг хуулж авна.
Гарч болох хүндрэл Цагаан хэрэглэлийг солихгүй удсанаас өвчтөнд таагүй байдал үүсгэх, холголт, цооролт үүсч хоёрдогчоор халдвар авч хүндэрдэг, өвчний эдгэрэлтэнд муугаар нөлөөлдөг.