Хувин савыг давсаар угаахад сайн цэвэрлэгддэг. Шилэн аяга, шилэн сав, архины шил, аяга тавгийг эхлээд давсаар арчаад цэвэр усаар булхахаар сайхан өнгө орж гялалзана.
Хувин саванд ямар нэгэн юм шатаачихвал чийгтэй ёроолд давс хийж жаахан байлгаж байгаад цэвэрлэхэд шатсан хэсэг нь амархан арилна.
Цэвэр цаасан дээр асгасан давсан дээгүүр бүлээн индүүгээр индүүдэхэд ул нь сайн цэвэршинэ.
Бага зэрэг хагарч цав суусан түүхий өндгийг давстай усанд чанахад гоожих нь гайгүй байдаг.
Арьсан эдлэл, хулдаас, шалан дээр сая дусаасан чернилийг давсаар арчиж арилгана. Чийгтэй давс үрээд арчихад ул мөргүй алга болно.
Засвар хийсний дараа байранд тосон будагны үнэр ханхлаад байюал хэд хэдэн газар давстай таваг тавихад үнэр нь амархан алга болно.
Гурил будаа хадгалдаг уутыг ихээхэн давстай усанд 15-20 минут буцалгаад мушгилгүй хатааж хэрэглэхэд элдэв өт хорхой ордоггүй.
Давстай усанд байлгасан дотуур хувцсыг угаахад будаг гарахгүй.
Кофе чанахдаа чимххэн давс хийхэд амт нь улам сайжирна.
Буцалж байгаа тос хөөсрөөд байвал жаахан давс хийхэд зүгээр болно.
Нүүр гарын алчуурыг угаасныхаа дараа давстай усанд булхвал зөөлөн болно.
Сүүнд бага зэрэг давс хийхэд гашлах нь гайгүй болно.
Шарласан хөшгийг эхэлж давстай усанд дэвтээж байгаад угаавал өнгө орох нь сайн. Мөн нусны алчуурыг ингэж угаана.
Өвлийн цагт гадаа хатаахаар өлгөсөн зүйлийг бага зэргийн давстай усанд булхчихвал хөлддөггүй.
Хар бараан өнгийн торгоор хийсэн хувцсыг угаасныхаа дараа давстай усанд /200 г давсыг нэг хувин усанд/ булхвал гялалзсан өнгөө хадгална.
Нунтаг цагаан давсыг унтахын өмнө хивсэн дээрээ цацан хонуулаад маргааш нь чийгтэй цэвэр алчуураар давсаа цэвэрлээд авбал хивсний өнгө тодорч ирнэ.
Мөстсөн цонхыг ихээхэн давстай усаар угаахад дороо мөс нь хайлна.
Гал тогооны өрөөнөөс чанаж байгаа хоолны үнэрийг арилгахад цахилгаан зуухны халуун ширмэн дээр жаахан давс үрнэ.
Давстай усанд хагас цаг дүрсэн хутга сайн ир орно.