Юу хийх вэ?
Тамхи татахаас зогсоох ганцхан зам байна. Танд байгаа бүх янжуур, асаагуур, шүдэнз, үнсний савыг хая. Дараа нь нэг хоног, хоёр хоног, бусад хоногт тамхи татахгүй тэсвэрлэ. Аажмаар таны бие хөнгөрч тамхи татахгYй болсондоо сэтгэл хангалуун байх болно. Бие эрүүлжинэ, мөнгө хуримтлагдана.
Тус хүргэж болох саналууд
Юм нэхэх, оёх, түлхүүрийн орооцолдоо тайлах зэрэг янжуурыг орлож болох ямар нэг зүйлийг олж хийх
Гүнзгий амьсгалах, удаан хугацаанд усанд орох, явган алах, гүйх, усанд сэлэх зэрэг амарч тайвширч болох ямар нэг аргыг олох
Тамхи татмаар санагдах үед аяга ус уух, ширхэг алим идэх, нэг эгнээ нэхээс нэхэх зэрэг ямар нэг зүйлийг хийвэл зохино.

Архи
Жирэмсний үе, ялангуяа түүний эрт үед архи их хэмжээгээр уух нь ургийн өсөлтөд тун ч муугаар нөлөөлнө. Сүүлийн үед хийсэн судалгааны дүнгээс үзэхэд хөнгөн, дунд зэргийг архидалт хүртэл ургийн өсөлтөд сөрөг нөлөөлдөг нь нэгэнт нотлогдсон билээ. Уусан архи их ч бай, бага ч бай таны цусанд шимэгдэн, улмаар ургийн цусанд орж хордуулна шүү.
Юу хийх вэ?
Жирэмсэн болсон үеэс эхлэн архи уухаа боливол жирэмсний явцыг хэвийн байлгаж, эрүүл саруул хүүхэд төрүүлэх нөхцөл бүрдэнэ. Жирэмсэн үедээ тохиолдлоор архи уухаас зайлсхийж чадвал хүүхдэд учруулах өртөмтгий байдал их хэмжээгээр багасдаг. Харин та архи уухыг бүрмөсөн боливол хүүхдэд учрах эмзэг байдал ч бүрэн арилна.

Yрэл ба эм
Олонхи үрэл, эмүүд ургийн өсөлт хөгжилтөд муугаар нөлөөлдөг. Ялангуяа жирэмсний эрт хугацаанд урагт үзүүлэх хоруу нөлөө бүр ч тод илэрдэг.
Юу хийх вэ?
Жирэмсэн биш байхдаа ямар нэг эмийг байнга хэрэглэдэг байгаад жирэмслэхийг хүсвэл эмчид очиж уг эмийг ямар эмээр солих, хэдийд уухаа болих талаар зөвлөгөө авах хэрэгтэй. Эм уудаггүй эмэгтэй жирэмслэхээсээ өмнө, эсвэл жирэмсний хугацаанд ямар нэг өвчнөөр өвчилж эм уух шаардлага гарвал эмчийн бичиж өгсөн эмийг л уух хэрэгтэй. Эмийн сангаас эм авахдаа хүртэл тухайн эмийг жирэмсэн үед хэрэглэж болох эсэхийг асуугаарай.

Ажил мэргэжлийн нөлөө
Та үйлдвэрт ажилладаг бол ажлын тань нөхцөл ургийн эрүүл мэндэд нөлөөлж болох бөгөөд энэ талаар жирэмслэхийн өмнө тооцож бодсон байвал зохино. Химийн бодис, арьс шир, цацраг идэвхт бодис, хүний сэтгэхүйд дарамт үзүүлдэг ажлын нөхцөл урагт хоруу нөлөөлөл үзүүлэх эмзэг байдлыг бий болгоно. Эдгээр нь үр тогтож жирэмсэн болохын өмнө зөвхөн эмэгтэйчүүдийн төдийгүй, эрэгтэйчүүдийн эрүүл мэндэд нөлөөлж болно. Харин жирэмсэлний дараа бол урагт нөлөөлдөг.
Юу хийх вэ?
Химийн хортой нөхцөлд ажилладаг бол таны хувьд нөхөн үржихүйн өртөмтгий байдлыг бий болгох бөгөөд үүний талаар эмчээс асууж, хууль зYйн хувьд ч гэсэн мэдвэл зохино. Ажилладаг албан байгууллагаасаа ажлын нөхцөл урагт нөлөөлөхгүй гэсэн бичмэл баталгаа ч шаардах эрхтэй.
Тодорхой эмзэг байдалтай үед та жирэмсэлбэл жирэмсэн үедээ аюулгүй нөхцөлд ажиллах тухай хүсэлт гаргаж болно. Ийм боломж олдохгүй бол хамгаалалтын хувцас өмсөх, маск зүүх, арьсаа хамгаалах зэргээр бололцоотой бүх арга хэмжээг авах хэрэгтэй.
Таныг жирэмсэн байхад нөхөн үржихүйн өртөмтгий байдалд ажиллуулах нь хууль зөрчсөн явдал мөн. Ийм байдалд таны ажилладаг байгуулалгын удирдлага тохирох ажлыг сонгон өгөх ёстой. Тохирох ажилгүй бол хууль зүйн дагуу ажлаас чөлөөлж болох юм.