Ногоон ургамлын шүүс хувцсанд наалдвал цагаан архи юм уу цэнхэр спиртээр арчина.
Улаан бэхний толбыг горчица /гич/ түрхэж нэг өдөр байлгаад угаадаг.
Хувцсан дээрх зөөлөн чихэр школадны толбыг их давстай усаар угаана.
Хувцсанд дээр хар бэх асгачихвал халуун сүүнд дүрэхэд түргэн арилна.
Уруулын будгийн толбыг цэвэр спиртээр хялбархан арилгана.
Хувцсанд тогтсон марганцийн толбыг тарганд 3-4 цаг дүрээд угаахад бүрэн арилна.
Жимс, жимсгэний шүүсний толбыг тэнцүү хэмжээний гилцерин, цагаан архи хшоёрын хольцоор арилгана. Эсвэл буцалсан усны ууран дээр бариад орос цуугаар арчдаг.
Алим, бөөрөлзгөнө зэрэг жимсний шинэхэн толбыг бүлээн сүү, савантай усаар арчвал арилна.
Хөвөн даавуун бошинзонд тогтсон дарсны толбыг буцалсан сүүгээр арилгана.
Улаан дарс ба жимсний шинэ толбонд давс цацаад савантай усаар угаах юм уу, эсвэл 5 хувийн нашатырийн спиртээр арчиж эцэст нь угаах хэрэгтэй.
Дарсны толбыг бүлээн сүүнд сайн угаасны дараа эхлээд хүйтэн дараа нь халуун усанд булхаж арилгадаг.
Пивоны толбыг бүлээсгэсэн нашатырийн спиртээр арчаад савантай бүлээн усанд угаадаг.
Арьс, савхин эдлэлд дуссан бэхний толбыг сүүгээр арчиж арилгана. Мөн ямар нэгэн юманд дуссан бэхний толбыг таргаар арилгаж болдог.
Хувцас, бөс даавуунд тос дусахад юуны өмнө давс хийж нэлээд байлгаад арчихад амархан арилна.
Торгон ноосон хувцсанд тогтсон үнэртэй усны толбыг дарсны охь /винный спирт/ юм уу цэвэр глицеринээр норгоод, хүхрийн эфир эсвэл ацетон шингээсэн хөвөнгөөр арчина. Цагаан өнгийн зүйлд тогтсон үнэртэй усны толбыг эхлээд нашатырийн спиртээр, дараа нь гидросульфитын уусмалаар /1 аяга усанд чимх/ арчаад 2-3 минут болсны дараа хурган чихний хүчлийн уусмалаар арчиж арилгана.