Танд болон нөхөрт чинь, эсвэл найз залууд тань жирэмсний үеийн хооллолт, ажил амралтын дэглэмийг зохицуулах, төрөлтөнд бэлтгэх, хүүхдийг асрах талаар зөвлөгөө өгнө.
Тохиолдож болох хүндрэлүүдийг цаг хугацаанд нь оношилж зохих арга хэмжээг авна.
Хэвлий дэх ургийн өсөлтийг хянана.
Эмчийн хяналтанд орсон тохиолдолд эмч инь дараагийн удаа ирж үзүүлэх хугацааг тодорхой зааж хэлнэ.

Та ямар шинжилгээ өгөх вэ?
Эмнэлгээс таны өндөр, жин, цусны даралт, биеийн байдлыг үзэж, цус, шээсний ерөнхйи шинжилгээ, судасны цус, үтрээний наалдац буюу мазокны шинжилгээ авна. Дараагийн шинжилгээнүүдийг таны биеийн байдал, жирэмсний явцаас хамаарч хийнэ.
Дээрх шинжилгээгээр таны биеийн ерөнхий байдлыг дүгнэж бөөр, шээсний замын болон эмэгтэйчүүдийн өвчин, бэлгийн замын халдварууд, сүрьеэ бусад өвчнүүд байгаа эсэхийг тогтооно. Эдгээр эмгэгүүд жирэмсний болон төрөх үеийн хүндрэл үүсгэх аюултай. Иймээс та тухайн өвчнүдийг аль болох эрт оношлуулж эмчлүүлэх нь чухал.